德國遊戲節目

德國遊戲節目 如何令觀眾返到電視機

德國嘅電視節目,雖然 Tatort 同埋 Babylon Berlin (呢套劇英文版喺Netflix有)都好出名,只不過, 德國遊戲節目 ,特別問答遊戲都好出名。Format十分之難玩,呢部分我喺會員版講。但 德國遊戲節目 係善用手機,令觀眾可以坐足三個鐘頭電視,好似打機咁。無錯,打機,仲要有獎金果隻,咁點樣嘅呢?

德國遊戲節目 點樣令電視觀眾都分到獎金

德國遊戲節目 ,有部分設有現場觀眾係有獎金攞,好似Wer weiß denn sowas?,現場觀眾係可以攞獎金,基本你俾十歐羅嘅現場門票嘅錢,好有機會賺得返嚟嘅。(德國好多電視節目都有錄影果陣嘅觀眾,做現場觀眾係要俾門票錢,Heute-Show嘅門票係一票難求)問題係,電視機嘅觀眾,見到獎金自己無份攞,投入感就少好多,香港無線果啲弱智節目,講晒啲獎品出嚟,但觀眾無份攞,根本係植入式廣告嚟,無癮係正常。而德國公共廣播聯盟 ARD 有個好好嘅方法,令觀眾好似打機咁睇個遊戲Show,仲有錢攞,就係整個App出。

ARD Quiz係一個專門用嚟玩ARD旗下各台遊戲節目嘅App,至少Das Ersten,同NDR係涵蓋其中,你好簡單登記咗個戶口,然後節目播出期間,個App會同步(係同步)列出問題,同埋俾你揀,連個Time Limit都幾乎係同步,每集節目,答啱得最多嘅若干名手機玩家,就會有獎金,獎金大概五十歐羅咁上下喇,當然贏唔贏到獎金多少係運氣,同埋都唔易,因為德國全國都充斥住各類問答遊戲嘅瘋狂fans,同埋有部分類型題目,好需要閣下德文知識,以及喺德國住夠若干年先答到。但至少,你喺手機可以㩒個答案,你答到就係一種成就感嚟。而且由於個節目好似打機咁,你唔可以咁隨便離開個電視,德國公營台,喺晚上Tagesschau播出前(即係2000 CET/CEST)係可以播廣告,無錯,呢個係ARD確保你會睇埋廣告一個方法嚟,因為你好似打機咁,唔係太想離開個電視,呢個就係所謂真互動電視。

所以香港嘅電視台,係十分值得鄙視,大家明點解。

(ZDF有個遊戲節目叫 Da kommst Du nie drauf! 呢個遊戲節目嘅題目,適合膠事錄讀者,你識啲德文加有睇開膠事錄,你會答得掂啲題目。)

One thought on “德國遊戲節目 如何令觀眾返到電視機

發表迴響

你的電子郵件位址並不會被公開。 必要欄位標記為 *