碧桂園-支爆-min

碧桂園 全國爆到傻:支爆又深化

好多人都未意識到,支爆不單係咁爆,仲會深化,好似果啲用嚟炸山洞啲炸彈咁,入到深處再爆。 碧桂園 為咗盡快資金回龍,自己隊冧樓價,我唔知 碧桂園 可以捱幾耐,但隨時搞到全國都係大示威甚至暴亂果個,就係 碧桂園 給你五星級支爆。

碧桂園 新山 支爆

大家可以睇咗呢個表先

日期 城市 樓盤 減幅
2018年10月6日 江西省上饒 上饒信州府 10000 => 70000
2018年10月2日 上海 浦東南郡 35000 => 26000

大家睇吓, 碧桂園 點解要咁賣樓,其實大家都知乜事,當馬來西亞新山果個走錢盤賣唔到,資金出現壓力果陣,大家都知中國啲樓根本唔會值錢,仲唔快快沽晒手上啲貨走人,但係中國人乜都只係要贏,唔要輸,亦唔認為自己會輸,所以 碧桂園 變成抗議對象,甚至上饒信州府單嘢,變成掟石事件,我睇嚟一場大暴動遲早發生,因為唔只 碧桂園 大減價,係連萬科、恆大都要去貨求存,中國樓市基本上已經變成死人市,呢個肯定。

中國樓市都搞成咁,你覺得香港會無事,我恐怕香港遲早都出現呢挺怪事,大家都知有幾多中國人係摸頂買貨,屆時香港班鬧和理非示威者嘅黑警,日日對住呢啲極其進擊同勇武嘅中國人吧,你都咪話呢件事唔得人驚,呢家嘢。

碧桂園 隨時係引發全國大混亂嘅序幕,你覺得天下太平,錯了,依家只會一個一個咁爆,我叫深化支爆,仲未計連埋銀行系統爆埋,屆時仲好睇,存戶存款血本無歸,總之,依家至係大風暴嘅開始,香港人仲以為無事。

One thought on “碧桂園 全國爆到傻:支爆又深化

發表迴響

你的電子郵件位址並不會被公開。 必要欄位標記為 *