梁振英-DTZ-min-助訟

選舉 鎅票 與 助訟

近排有單好奇怪嘅版稅糾紛官司,就係一個新丁作者,聲稱自己出嘅新書好好賣,然後走去claim出版社Royalty,仲要告上區域法院。單案案情點,我唔知,我唔係法官,只不過,呢單案有好多地方我唔明白就係。

有人 助訟 都唔奇

首先,新丁作者一般賣頭1000本係0版稅,呢個幾乎係香港行規,亦係我依家放棄出書嘅原因,就算出書都只係iTunes iBook出,但我理解果個原因,因為出書嘅印刷、倉租都好貴,出版社都要開飯,所以依家好多人出書係貼錢嚟沽名釣譽。所以果份合約究竟係點簽嘅呢?我有啲不解。如果係話銷量有爭拗,咁好簡單,發行商一定有會計紀錄喇,只不過,香港好多書賣1000本都已經要還神,唔好講過成千本以上,特別依家三中商壟斷下,搞到大家無意欲去書局行,香港又無Amazon之類物體,你覺得香港賣到6000本書?我嘅舊文集係一部獨立Server,因為我計落租Server成本,同廣告收益都可能好賺過我自己印書呀,大佬。

跟住,一般呢啲追版稅官司,就算我自己,都係小額錢債算數,小額錢債可以講係依家最好解決50000元以下錢債糾紛,或者想快攞番錢嘅糾紛嘅門路,理由好簡單,依家區域法院又好,高等法院又好,人手係得咁多,法官係得咁多,但官司就越嚟越多,除非你銀碼十分之大,兼且證據十分充足,仲要用盡任何途徑追數都無效先得,因為好少官司係判你賠足,跟住,你話敗方孭訟費喎,問題係法院都唔會判足,有啲官司遇上法院玩膠,判要賠一蚊雞,但入稟一方要俾懲罰性堂費,就係自己搵自己嚟玩,入得區域法院,都有一定嘅錢打入去。俾法院 630 蚊,跟住律師每個鐘同你計,4000蚊一個鐘,呢個係最平果啲蚊型行嘅費用,我未計搵執達主任真係攞個writ攞番錢,你話為版稅打官司,係都入小額錢債喇。

呢單官司我覺得入稟時間好怪,喺九龍西補選之前,當有人喺補選之前打啲奇奇怪怪,技術上對當事人一啲好處都無嘅民事官司果陣,你應該聞到 助訟 嘅味道。當然,無人會認自己 助訟 嘅,但係 助訟 呢個法律係唔係一啲道理都無,至少喺香港,仲有少少道理喺度,因為法院可能真係變成某啲人嘅政治武器。

發表迴響

你的電子郵件位址並不會被公開。 必要欄位標記為 *