底板-中國製造-min

中國製造 底板都係敬而遠之

Bloomberg Business Week 爆美國有Server被中國加料入咗一啲用Passive Component一樣咁大嘅晶片偷資料,件事有幾堅,唔知。但 中國製造 底板,我一向建議大家敬而遠之,既有保安問題,亦有質素問題。

中國製造 底板敬而遠之

如果有美國製嘅MacBook,我係一定毫不猶疑買美製版本,依家我自己部 MacBook Air都係日本買落,因為日本有一定審查,基本上,你唔知中國班友加後門偷資料,所以我一早將Lenovo大部分產品bad list,我仲有Lenovo Authorized Dealer身份果陣,都只賣Thinkpad系列,依家係連Think系列都唔考慮。我對中國人嘅高度唔信任,好大程度上依家證明係啱,呢個係對黨性嘅了解。

另一方面,你唔知中國班友喺QC上出啲乜事,Apple好啲,因為佢自己睇得緊,衰極有譜,但有啲底板,一係啲焊工唔知點解可以咁仆街,一係啲元件好奇怪地用咗啲流嘅貨,所以由QC上, 中國製造 嘅底板、電腦敬而遠之都好合理。

依家有啲國家,有要求政府用嘅筆記簿電腦,要用當地組裝版本,並且係通過政府審查,所以最近香港嘅日本,果啲日本製Notebook我一直認為買得過,亦係呢個原因,你至少信任組裝嘅人員,我2016年已經寫過,依家大家明我點解咁寫喇

我對電子產品有咁多係中國製造產品係不安,其實世界各大廠商都係時候搬廠,喺國進民退果陣尤其危險,你唔知間廠嘅黨委書記落啲乜指令,總之喺生產過程加料。當然,中國牌子係特別危險,我有時睇log,我見有讀者用華為同小米手機,我想勸讀者停用中國牌子,以及停用中國移動嘅網絡,我唔排除以安全為理由,禁止用華為、小米手機嘅讀者入嚟睇,或者ban晒中國移動啲IP,擺明中國公司係牙煙多幾錢重。

後話:如果因保安緣故,需要買Made in Germany嘅電腦,可以問我,但講明,只會賣Notebook,同埋按案例去做。如果你急要非中國組裝電腦,可以優先考慮去日本買。

6 thoughts on “中國製造 底板都係敬而遠之

  1. 我咁啱就係一個德國人開既公司度做, 佢就好做唔做, 信個支那人領頭既QC, 近期就發生咗”不鏽鋼生鏽”事件被德國客戶退貨, 所以我成日話 #支那人沒有一個是無辜的

發表迴響

你的電子郵件位址並不會被公開。 必要欄位標記為 *