Pence-min

Pence 講話之後你應準備啲乜

美國副總統 Pence 最新講話中,一五一十狂數中國,其實都預見到中美嘅衝突至少都喺冷戰狀態,但我睇,香港好多人對冷戰狀態係一啲都無概念,你仲跟中國做生意就隨時死得好慘,就算你有西方國家護照,你都唔係有護身符。

Pence 講話後嘅世界

Pence 講話唔係最後警告,而係代表美國朝野政策共識,如果係Trump講,仲可以話係Trump一個人偏見或發癲,但 Pence 係代表共和黨主流意見,而共和黨同民主黨依家嘅分歧,無大家想像中咁大,所以 Pence 唔係因為佢係副總統無料到,正好相反,佢係代表朝野共識,咁美國日後對中國政策大方向,如果中國唔改嘅話,就係當中國係邪惡帝國咁對付,咁中國變成咗一個類似蘇聯咁嘅嘢果陣,移民同留學肯定係大受限制,我相信特區護照最後好可能失去大部分西方國家免簽優惠,因為香港唔視為西方嘅成員。

你有幸有外國護照,又係唔係可以牙尖嘴利,唔係,如果你從事一啲幫中國嘅行為,如果你係雙重國籍,好可能你會失去西方國家國籍,如果你唔係雙重國籍,你仲大鑊,我相信好多西方國家嘅國家安全法律會用喺你身上。所以依家香港有唔少人仲諗要食兩家茶禮,我諗你一定要作出清楚抉擇,依家只有黑同白揀,而你揀黑路,你必須承擔後果,唔會有人同情你。

至於香港政策法,即係US-Hong Kong Policy Act,我相信會結束,但結束前,應該會做一件事,就係香港應該得到西方國家國籍嘅人,都應該會得到西方國家國籍,畢竟香港人有反抗暴政,以及香港係未經公投下加入中國,但日後你有無可能走到(如果齋得特區護照),好可能睇你自己係唔係實在反抗呢個政權,或者中國會唔會脆弱到迅速瓦解,香港最後獨立或者歸英。香港同當年西柏林最唔同地方在於,當年西德政府係無條件收留東德人,除咗德國國籍法問題外,亦係德國今日難民法十分鬆手嘅背景,但香港並唔係似西柏林人咁,有個國家會無條件收容,當年我相信美國人同西方社會會傾呢樣嘢,我呢個預測係一個最壞打算嘅預測。

好日子一早離開咗,仲睇香港傳媒後果自負。

One thought on “Pence 講話之後你應準備啲乜

  1. Pence的講話有雙重意義, 一來是中國, 二是警告美國本土左膠及民主黨親共人仕,小心你們的親共行為及言論.會構成叛國罪. 所以那些有美國護照或綠卡的中國人, 美國不會徹消他們的美國護照(如是像放他走), 而是會捉了他及控告叛國罪(如何志平捉了他永不放人). 他們是美國人不是中國人, 中國無權出聲.

    港美政策法及特衰護照免簽最後也會被取消.外表上HKSAR護照根本是中國護照, 外國很多國家入境處也不想分得這樣仔細只為了那7百萬人口, 增加他們的工作量. 一視同仁, 也見不到你們有什麼分別? 同一種人同一膚色. 況且很多香港人實際上是東南亞人, 如日本, 泰國人, 越南人, 汶萊人, 馬來人, 只是居住香港及在香港生活, 他們都有兩本護照. 但這政策可減少新HK人到外國黑, 所以美國一向對HKSAR護照都要簽証便是這原因.人家看事物是很長遠的.貼吧也有教人如何在美國黑.

    最後ITV的Strangers的上星期一集, 鏡頭上尊登影上港英殖民旗. 現在英國領使的用車:一是不掛旗, 一是掛英國旗, 為何要影上殖民旗?是很有政治意味! 而英領使見未來特首(曾江做演員), 比張靚牌比你上, 不領情還要自私自利. 不理港英的良好關係. 是表示香港以失去作為國際城市要注重的國際關係. 只是本地個人的自私及無知. 所以看戲要看它的底層意味.

發表迴響

你的電子郵件位址並不會被公開。 必要欄位標記為 *