國際刑警-min-孟宏偉

國際刑警 主席都可以失蹤

國際刑警 組織,聽過個朵好響,但實權有限,而且 國際刑警 歷史上,落入獨裁國家手就會有怪事發生,1938-1945年期間, 國際刑警 組織喺德奧合併後變成蓋世太保旗下組織,依家重組過國際刑警組織,孟宏偉係第一位共產黨人做主席,跟住出事,孟宏偉返咗中國後失蹤,佢仲喺法國嘅老婆報警,要求調查孟宏偉喺邊,成為 國際刑警 組織最怪嘅怪事。

國際刑警 仲點可以俾中國玩

中國可以當選 國際刑警 組織嘅主席,多少係因為成堆收咗中國水嘅第三世界國家,一如陳馮富珍,呢個食雞珍醫生,你估佢真係有實力做到世衛組織秘書長,人人鬧到佢爆。所以好多人都好擔心,孟宏偉做咗 國際刑警 組織主席後,會有人濫用 國際刑警 做一啲打壓異見嘅勾當,只不過, 國際刑警 真係有實權嘅秘書長職位,其實喺美國人手上,所以孟宏偉隨時係自己嘅任務完成唔到,但佢喺中國期間啲貪腐嘢被人篤爆,成為習近平嘅鬥爭對象,而習近平呢條友係唔理國際遊戲規則做嘢,所以完全唔理孟宏偉嘅身份,總之一律家法待候,拉咗先講,而我相信孟宏偉老婆都唔係食齋嘅,所以見到勢色唔對,就喺法國報警,孟宏偉帶晒一家大細去里昂做官,好可能係佢成世做得最正確嘅決定,否則我睇搞出外交大頭佛,都未必有人知佢已經失咗蹤,或者死鬼咗。

中國連 國際刑警 主席都可以被失蹤,雖然孟宏偉係黨員兼全國政協委員,但膠唔可以咁派,呢件事後,唔駛旨意各大國際組織再搵中國人做大粒佬,因為呢啲行為,簡直有損各大國際組織嘅威信,中國人最鍾意攞聯合國嚟撻朵,以後我真係想知,呢班友仲可唔可以撻朵撻得咁鬼爽。

當然, 孟宏偉 都應該係食得幾飽之人,中國人民武裝警察部隊海警總隊係佢未做國際刑警主席前嘅職務,呢個機構主力負責海上緝私,海上緝私無油水撈,你俾我都唔信喇,仲要呢個海警總隊,由於十分之多油水,應該會有唔少人重金買官,所以孟宏偉呢次都應該係被人發現有好多錢,甚至用佢喺 國際刑警 個朵,搬咗唔少錢去法國等國家被發現,所以習近平急急拉人封艇,唔顧國際顏面。總之,中國人都搞到啲國際組織臭晒,係時候執過晒佢。

One thought on “國際刑警 主席都可以失蹤

發表迴響

你的電子郵件位址並不會被公開。 必要欄位標記為 *