Financial Times-min

Financial Times 都得罪真係嫌命長

我唔知香港政府係敢於亮劍定食咗豹子膽,唔續 Financial Times 亞洲編輯 Victor Mallet 工作簽證,應該同佢主持FCC陳浩天講座有關。呢個決定,得罪 Financial Times 係嫌命長決定,我相信香港金融中心地位玩完,大家沽定期指都得。

Financial Times 唔到你港府得罪

大家都知 Financial Times 係英國首要財經報章,甚至係歐洲首要財經報章,你咁玩基本上成個歐洲都知你港府玩嘢,跟住, Financial Times 最大股東就係日經,無錯,日本經濟新聞,即係你同時燒埋日本,你好得罪唔得罪,得罪一個跨越兩大洲嘅新聞機構,我已經覺得你保安局班友簡直藝高人膽大,無視國際規則都唔係咁。

而2003年《基本法》23條煞停其中一個因素,除咗係因為田北俊突然倒戈之外,仲有一點十分重要,就係最重視資訊自由其實就係揸鑊鏟班人,因為一個決定係球球聲,無可以扭曲嘅空間,所以亦係點解全世界最敢言嘅報章往往係財經報章嘅原因,因為金融市場上嘅決定,同戰場上嘅決定一樣,係關乎生於死之間,無含糊空間可言。但係依家香港政府為打壓所謂港獨言論可以咁搞法,呢個係俾金融界乜嘢信息咁?各大投資者一定對繼續喺香港市場進行投機活動有極大懷疑,而你中國偏偏依賴香港呢個金融市場集資,你依家咁玩,你班友集條春喇。

同埋依家係擺明車馬漠視新聞自由,連埋保守黨黨大會搗亂事件,英國人一定感覺被踩到上心口,相信國會一復會係會有事發生,畢竟 Financial Times 喺英國極具江湖地位。另一方面,美國仲會唔會保留香港政策法,即係US-Hong Kong Policy Act,我十分之有懷疑,大家都知道,US-Hong Kong Policy Act一玩完,等於聯匯以至香港轉口港地位都玩完,屆時你香港經濟唔崩潰就奇,所以好多人仲好似無事發生咁,呢劑係災難嚟,李家超呢個黑警出身嘅白痴,做咗一個毀滅香港嘅決定,我估除咗由英國返嚟收拾殘局,無其他辦法。

發表迴響

你的電子郵件位址並不會被公開。 必要欄位標記為 *