支爆-熊本熊-min

支爆 與國進民退

支爆 熊本熊出場嘅時候,大家都知我講緊 支爆 ,依家人民幣匯價走勢,同埋股市弱勢,大家都知 支爆 係爆到一個階段,唔信依家有支爆嘅友仔,依家應該唔好意思出聲。只不過,有件事我認為香港商界或投資者應該要知,而如果有人走唔切,就閣下自理,就係國進民退。

支爆 下點樣阻止資本外流?

一個宏觀去讀中國歷史嘅人,面對支爆嘅大形勢,其實應該向開放市場,開放言禁,逐步建立一個民主法治嘅社會目標去回應,但華人諗嘢,好多時匪夷所思,佢地只係諗,一旦出咗問題,就鎖國,鎖國就可以重新累積資本,擇日再戰,甚至死若干人都在所不惜。所以,習近平依家試圖搞番國進民退,甚至一旦支爆到某個程度,就全盤接管各個企業,甚至連香港都不惜搞產業國有化,呢樣嘢,係我最為擔心,因為香港有啲是大筆資本,一旦可以國有化,不單可以令中國度過難關,而且亦可以令共產黨部分人不勞而獲,肚滿腸肥。所以,不單香港人在中國資產,以及存款,有機會因支爆失控被沒收,如果香港仍然喺中國控制下,香港人嘅財產係岌岌可危。

其實好多人嘅鎖國積存資本論,都係源自黃仁宇嘅講法,我都順勢引中國大歷史關於香港嘅一段

一個國家在現代經歷了一段主要的突破時,連國家這一觀念也可能變更,如400年前荷蘭民國誕生時的情形。這基本法給我們一個機會想見1997年重返中國以後的情形。這特區將保持其獨特的稅收制度和貨幣制度。它將有特別的旗幟,它的行政首長將由選舉產生,他也和被選的立法員一樣,至少已在本地居留20年。現有司法機關將全部保留。香港所立的法律將報告於北京的人民代表大會登記作為紀錄,可是特區不隸屬中央政府任何機構之下。而且特區有權處理僅與本地有關的外交事宜。

中國人唔記得咗,一國兩制實際將西方國家觀念引進,1871年德意志帝國成立,巴伐利亞王國仍然擁有一定軍隊控制權添,中國人只係睇到歐洲瘋狂民族主義,或者法國式中央集權,但睇唔到德、荷等國鬆散國家關係,甚至今日歐盟嘅出現,根本都係有德、荷政體(德國本來都係一堆國家嚟,呢啲國家間異同至今仍然殘留)嘅影子,所以一旦掂到香港人嘅財產,爆發港獨係歷史必然。梁振英等人不斷打壓「港獨」,根本係處心積慮,為某啲人沒收香港人財產鋪路。

無論如何,一旦 支爆 引發國進民退,港中分家,以至港中之間關係,都會走上不歸路。除非習近平可以一併領悟埋,長期打算,充分利用嘅智慧,但呢種戰略觀,對當代中國人嚟講,實在係過份遙遠,有都好,都可能引發瘋狂反彈,沒完沒了,畢竟中共一手搞出中國人嘅集體精神病。

One thought on “支爆 與國進民退

發表迴響

你的電子郵件位址並不會被公開。 必要欄位標記為 *