何志平-2

何志平 董建華 洗黑錢 伊朗

何志平 案越嚟越花生,控方最新檢控文件指, 何志平 曾經捲入軍火買賣,將軍火賣俾利比亞、甚至南蘇丹,又協助伊朗避過制裁,總之 何志平 唔係幫中國行賄咁簡單,而係做咗Lord of War,做Lord of War係無乜好下場,你睇Viktor Bouty就知。

何志平 路祥安 董建華嘅黑集團

當呢單案涉及伊朗,以及軍火交易果陣,成件事就無咁簡單,都係果句, 何志平 甩唔甩身都係死路一條,佢出獄就被暗殺死,佢喺監獄就唔知美國想對佢點,做眼科醫生做到做 Lord of War 佢都算膠。但 何志平 單案更關鍵係,路祥安同董建華呢兩個人,路祥死無喇喇神秘死亡,應該同呢條友知道嘅嘢有關,佢似係知啲佢唔應該知嘅嘢。跟住董建華,如果話呢單嘢同董建華無關係無可能,特別董建華擁有東方海外呢間船務公司,究竟老董可以點用東方海外嘅船隊做仆街嘢大家可以想像吓,中遠急急要磅水收購東方海外,似乎唔係純粹係俾老董一筆報酬,而係要冚住一啲黑幕,公司喺老共手最可靠。所以美國應該將董建華呢條仆街一併查埋,依家仲有人想黐團結香港基金,我恐怕團結香港基金啲資金來源都唔慌乾淨果隻,因為董建華係濫用佢同美國嘅友好關係做Lord of War,你覺得美國唔會煮佢老人家重米?有啲嘢,中遠嘅船隊太揚,但東方海外嘅船隊就可以扮無事咁。

我真係十分之希望美國再查深入啲,同埋我相信美國會要求香港引渡部分香港人去美國受審,我就睇律政司將會點接招,如果玩到軍火果隻,物流要有人,錢呢方面,唔會只係 何志平 同路祥安兩條友,應該仲有其他專業人士有份,呢單大茶飯我真係想知有幾多土共或香港商界人士有份,如果 何志平 嘅經歷寫成書或電影,都應該係十分之好睇就係。

但都係果句,間接路線嘅前提係心術要正,Charile Wilson 喺阿富汗玩膠咪變隊冧蘇聯英雄,雖然留低塔利班呢個超級蘇州屎,但心術不正,幫埋啲仆街政權果啲,就會變晒何志平或者Viktor Bouty。 何志平 無乜可能好似Lord of War主角咁,幫美國政府做白手套,呢啲係電影情節,唔可能成真。

發表迴響

你的電子郵件位址並不會被公開。 必要欄位標記為 *