環球時報-言論自由-min

環球時報 老總最後都唔會得到好下場

環球時報 係一份反民主反言論自由嘅五毛報紙,呢個大家都知,佢個老總胡錫進,更加係一件大件五毛,只不過,胡錫進喺十月一日嘅微信到,話中國言論自由唔夠,究竟呢條友玩嘢,定係另有所指。我睇係,胡錫進想兩面落注,但都唔會得到好下場。

環球時報 壞事做盡仲想兩面落注

胡錫進一向都係識睇政治風向嘅兩面派,喺1989年民運,佢最初係參與,但見勢色唔對就離開天安門廣場,然後仲入到中國人民日報社做嘢,見證蘇聯瓦解,呢啲仆街唔係出賣過啲民運中人,佢鬼會得到晉升,仲可以做 環球時報 老總,作為中國共產黨煽動極端民族主義嘅急先鋒,以佢嘅地位,佢多少係收到中共依家政治變化,佢知道一旦中共倒台,佢就會十分之大鑊,所以佢係有意咁製造啲佢都曾經為言論自由或民主擦過邊球嘅證據,呢啲中國共產黨特殊材料製造人物嘅本質,香港人未必了解,但睇得多中共黨史,以及東歐共產黨嘅發展歷史,就大致上知道呢啲友仔嘅古惑本質,所以佢被微信刪帖佢係預咗,最緊要有人幫佢screen capture咗。佢未必自己刪文,佢通知一吓微信佢識嘅高層,扮係中共為咗審查言論,一視同仁刪文就夠,呢啲製造受迫害CV嘅嘢,中國唔少人呃政治庇護果陣都玩過,呢個亦係呢啲友仔對人世間嘅遺害嚟。

喺香港,或者仲有傻佬信佢,但 環球時報 老總以為一旦中國發生革命,佢會得到饒恕,咁就大錯特錯,納粹德國果啲人,軍人如果唔涉及太離譜嘅罪行,喺後嚟冷戰需要尚且再度起用,好似曼斯坦因元帥(Erich von Manstein)尚且成為新政府顧問,當然大官都唔到佢,但果啲負責意識形態洗腦果啲,絕大部分都無乜好下場,反猶報章Der Stürmer嘅老總Julius Streicher係其中一位喺紐倫堡大審被判死刑,做過宣傳部長嘅Walther Funk都終身監禁,Hans Fritzsche甩咗紐倫堡大審,但西德政府後嚟嘅去納粹審訊都判咗佢九年,胡錫進咁早就想兩面落注,依家係互聯網年代,呢個世界唔係咁容易。

發表迴響

你的電子郵件位址並不會被公開。 必要欄位標記為 *