馮檢基

黃毓民 馮檢基 居然可以合體嘅年代

龍門陣最令人津津樂道果一集,應該係 馮檢基 走去接受邀請做港事顧問,然後三位主持圍抽佢,陳耀南更直斥其非,陳耀南係龍門陣三人組中最溫文爾雅果個嚟。只不過,依家黃毓民公開支持 馮檢基 ,有班教徒不分青紅皂白支持佢,呢啲真係換了人間。

馮檢基 黃毓民點解可以合體

表面上, 馮檢基 同黃毓民點可以合體,兩個人基本上南轅北轍。非也,如果呢兩個人真係講理念嘅人,確係一百年都會大纜扯得埋,只不過,兩個都係赤裸裸追逐名利嘅人,你覺得佢地講果套理想,你真係當佢地係真㗎,所以呢啲人根本唔理食相難睇與否,總之有利益就可以隨意結合,論述都費時。好似二次大戰初,希特拉條仆街,係喺德國搞反共起家,只不過,當時兩個人想瓜分波蘭,結果就簽咗德蘇互不侵犯條約,仲要根據秘密協議瓜分波蘭,所以我咁講,黃毓民同 馮檢基 兩條友無斯大林同希特勒嘅能力,只不過斯大林同希特拉果種赤赤裸為咗利益乜都得嘅行為,呢兩條友絕對係不遑多讓,為咗中共俾嘅狗餅,乜都得。

當然,黃毓民咁對劉小麗,多少想報仇,因為上屆大選,黃毓民表面上喺關鍵戰場黃埔輸俾游蕙禎,但實際上係,深水埗一帶嘅老人選區被劉小麗扯走晒啲票,大後方失去,梗係無辦法喺大角咀同黃埔呢啲關鍵戰場一戰,所以我明白當中嘅報仇原因,但要報仇,大可以日後派人喺比例代表制攞番以前啲票倉,而唔係走去暗助陳凱欣,呢啲就係赤裸裸嘅投共證據,仲要今次結盟呢個 馮檢基 ,咁耐以嚟啲政治誠信都極差,自己廿幾年前都公開鬧過嘅人,今日可以咁合作,唔通世界變成咁。

但黃毓民同 馮檢基 可以咁合體法,呢兩條友同佢啲支持者嘅政治信仰都係信一成都死,一如黃毓民,可以由一個國民黨人,變成搞社會民主主義嘅社民連線,但之後又搞民粹嘅人民力量,但又之後又可以扮本土搞普羅政治學苑,呢啲正宗政治變色龍,馮檢基都不遑多讓,喺政治變色龍嘅世界,無嘢係永恆,只有利益係永恆,而且係一啲底線都無,有時人喺政治可以醜惡到乜嘢程度,唔駛睇莎士比亞名劇或者House of Cards都好易明。

發表迴響

你的電子郵件位址並不會被公開。 必要欄位標記為 *