P2P-支爆-min

P2P 金融爆煲掀起中國瓦解序幕

根據日本ANN報導,今日只不過係10月2日,已經有一批民眾喺上海抗議 P2P 網貸爆煲血本無歸,結果當然係被公安拉咗,只不過 P2P 網貨爆煲爆到上海都有抗議呢,即係呢件事好大機會牽連全中國,為中國瓦解揭開序幕,依家真係唔慌唔激流中國。

P2P 金融根本係攞民眾嘅錢延長支爆時間

如果要知今日日本ANN報導,可以睇下面,段片條link係膠事錄嘅膠總提供。

要知道 P2P 點解得到李克強扶持而迅速喺中國流行,一定要明白支爆係乜一回事,其實支爆呢家嘢,早喺2001年章家敦律師寫嘅中國即將崩潰呢本書講,章家敦喺書指出嘅問題,到依家無點大改過,跟住支爆進入大家視線係NHK紀錄片《激流中國》,中國有問題係好早嘅事,問題係點解吊鹽水可以吊咁耐,呢個背景其實係因為中國持續有外匯同金融海嘯熱錢流入,另一方面,中國學咗美國人一樣仆街到無朋友嘅嘢,叫金融創新,簡單嚟講,就係發明一啲睇落好吸引,其實好risky,但外面嘅人唔易睇得明嘅金融產品,吸咗你啲錢然後走佬。而 P2P 網貸正係呢個背景產生, P2P 網貨講到好好,提供資金嘅存戶,可以收高利息,而以往唔易喺銀行借錢嘅人,亦都有錢可以借,本來喺中國呢種農業國家,係好有用。但中國人攞咗呢個平台吸咗錢去,攞咗去唔知邊啲上市公司度,
中國人以為上市公司或實力大財團係可靠,但往往呢啲友仔最呃神騙鬼。喺中國仲有外匯流入果陣,還好,依家中國喺貿易戰下,外匯資金鏈一下子斷裂,你班友仲唔跳海,所以 P2P 係咁爆,爆完一間又一間,中國人嘅儲蓄無晒,跟住可以點,我都唔知。

中國人唔會為民主自由搏命,但一定為自己嘅棺材本搏命,而共產黨根本無錢填呢班友嘅數,甚至涉及官商勾結嘅問題,所以上海人咁怕死,先有上海民族黨,再有上海人為 P2P 嘅存款被公安拉,我相信只會一鑊杰過一鑊,除非大鎖國。但依家嘅中國,點可能鎖,內戰就有份,呢個亦係我話係中國瓦解序幕嘅原因。四川保路風潮嘅本質,都係班士紳要保住自己嘅錢,你估班友真係想反大清帝國。

至於好似健吾呢啲廢柴,仲得閒幫馮檢基呢啲人渣護航,我日文極度有限公司,都知日本報得嘅中國大鑊嘢,就真係堅大鑊,咁得閒,講日本呢啲嘢好過喇。

發表迴響

你的電子郵件位址並不會被公開。 必要欄位標記為 *