馮檢基

馮檢基 正仆街

本來唔想再寫 馮檢基 ,因為大家都知道佢係一件仆街,只不過,有啲人,特別民主派啲叛徒,真係沒有最仆街,只有更仆街,你覺得馮煒光、湯家驊、劉江華、黃毓民呢啲好仆街,依家嚟多件新嘅 馮檢基 ,佢果啲彈入彈出行為,簡直係仆街中嘅XO。

馮檢基 除咗係正仆街,無嘢好講

馮檢基 如果真係唔想選,駛鬼發出所謂採訪通知,玩狼來了,定係喺度試水溫,如果唔惹嚟反感就出嚟正式宣布參選,被人問候祖宗十八代就出嚟選,選舉依家係玩hit and run?呢啲核突行徑,真係土共味道濃到不得了,如果唔係老共指派嘅人叫佢咁做,正常出選嘅人,點會玩hit and run,有好多錢出嚟選,選舉從來都唔係請客食飯,我依家想 馮檢基 清楚交代佢依家嘅財政來源,佢應該知道一樣嘢,就係收人錢走去鎅人票呢樣嘢,本質係違反法律,如果佢唔交代清楚佢玩乜,雖然我唔相信廉署查到啲乜,但向廉署舉報應該都係其中一個無可奈何要做嘅動作,至少叫有個file number喺度先,一旦中共倒台, 馮檢基 呢啲仆街係應該攞去清算。雖然要估 馮檢基 喺北京嘅上線其實都唔難,依家我會認為民協無問題,但 馮檢基 仲喺度嘅年代,我係唔信民協,因為民協嘅資金來源同乜嘢人有關,唔駛我畫公仔畫出腸喇,大家話係唔係?

劉小麗係唔抵幫,只不過依家現實係, 馮檢基 一定係一件仆街,而且係我第一段講果幾件人渣嘅級數,陳凱欣都係一件人渣,佢嘅仆街隨時係容海恩好幾倍,九西議席落喺陳凱欣手上一啲都唔好玩,我個人對劉小麗嘅政治誠信有極大嘅保留,只不過,喺一個兩害,或幾害取其最輕嘅情況下,我認為劉小麗因為太廢,反而係一個好選擇,無錯,佢嘅優點係廢,但廢好過能力好高,但條友極其仆街。

當然,又有啲焦土派出嚟妖言惑眾,容我再講多一次,要焦土政策奏效,你一定有幅員廣大嘅領土,有好深嘅戰略縱深可供撤退,香港無呢個戰略縱深,再講焦土果啲人,最好攞去做BBQ燃料,咁鍾意做焦炭,你們自己去做先,唔好攞香港人去做。我對九西呢次選舉,真係無眼睇。

發表迴響

你的電子郵件位址並不會被公開。 必要欄位標記為 *