馬雲-min

馬雲 放棄持有阿里巴巴實際控制權代表乜?

馬雲 向美國證監會申報,佢唔再係阿里巴巴VIE,但係實際控制權,由 馬雲 同謝世煌兩條友,交俾五個唔知乜水嘅友仔,好大機會係中共指派嘅人,呢件事,本身係好大嘅玄機,可以講, 馬雲 係同中共傾好條件下著草走人,華麗轉身。

馬雲 嘅華麗轉身

如果話 馬雲 係國有資產嘅keeper,所以要佢走,其實唔駛做呢個交出VIE嘅安排,因為keeper係要交嘢俾黨,就要交出嚟,一如華潤當初由幾條友擁有嘅無限公司,變成黨營私有企業,果幾個keeper,好似錢之光、楊廉安,喺1952年話要交出企業擁有權就要交出嚟,邊可能好似 馬雲 咁樣扭扭擰擰,我相信 馬雲 雖然有中國廣泛嘅政商網絡,但最初阿里巴巴創業,應該係 馬雲 同謝世煌兩條友自己夾嘅錢。後嚟得到黨嘅扶持,呢個係後話。

依家反而我睇 馬雲 交出VIE但保留股權,應該係習近平玩緊新版嘅公私合營,亦即國進民退呢挺仆街嘢,特別支付寶嘅金流廣泛,而阿里巴巴至今仍然係中國主要外貿出入口,所以中國一定要 馬雲 交出實際控制權, 馬雲 應該同中共方面講過數,總之保住榮華富貴就可以交出公司控制權,以 馬雲 嘅實力,佢應該依家可以傾到呢個deal,唔駛好似肖建華咁變成習近平嘅人質,就算坦白從寬都放唔到出嚟果啲。當然肖建華呢啲超級白手套,佢個情況大鑊幾倍以上。

馬雲 都要華麗轉身,如果香港有廠喺中國果啲人,仲幻想自己嘅產業保得住,呢個夢都未必發得太天真,我相信習近平藉鎖國,關門殺一批人,以及公私合營甚至全面國有化政策,試圖渡過依家中國嘅經濟危機,中國成日都有人以為有事就鎖國兼走數,以保住中國有限資本以及再進行資本累積,當然大殺資本家同中產階級,都應該係預期中嘅事,中國邊個皇朝唔靠呢啲沒收民產行為渡過危機至得,否則中國一早有健全私有產權制度喇。

馬雲 都要走,你覺得香港人居然無事真係天真爛漫,依家香港人係時候睇清楚乜嘢事,我相信下一個中招係馬化騰,馬化騰要交出喺騰訊嘅控制權,甚至被退休都只不過係遲早問題,呢個正係中國國情。

One thought on “馬雲 放棄持有阿里巴巴實際控制權代表乜?

  1. Quicksilver 說:

    我聽其他网台, 領居民身份証的大排長龍, 不知是否做show? 看HK討論區有很多人上去大灣區買樓, 但當然出了問題, 停建或出不到入伙紙. 可見用廣告及CCTVB日日夜夜不停洗腦是可行的, 聽說有大灣區飲食篇又幾集, 遊樂篇又幾集, 買樓篇又幾集, 惠州篇又幾集, 中山又幾集. 所以很多港豬會”落塔”, 情況像HK的股票KOL, 他們的說法永遠是中國好, 叫你賣賣賣. 除了沈大師一個外.我一路想這斑經紀佬如果HK不再是國際金融中心都幾大護, 這班人無特殊技能, 肯定會失業. 所以一定唱好中國及親中共. HK的經紀不同外國, 學歷遍低只識像街市買菜低買高賣. 不像外國的是rocket scientists因找不到工作而要入這行, 會識熱動力學方程式. D人常常說李家誠, 他們不知道李家誠是為何要走下來香港? 就是因為被人共產了. 上過一次擋還會再上? 所以那些港姦幾可惡, 推人入火海. 真是害人不淺.

發表迴響

你的電子郵件位址並不會被公開。 必要欄位標記為 *