立法會補選-KOL

香港 KOL 點解會貴

有一間日本social media公司,接受傳媒訪問果陣,指香港嘅 KOL 偏貴,出個post要成萬銀。當然,我唔知成萬嘅訂價,包唔包要喺Facebook落廣告,因為如果包埋Facebook同Google落廣告,本身 KOL 出post唔應該叫貴。只不過,香港 KOL 偏貴收費,有可能同佢地個商業模式有關,應該咁講,成個香港啲 KOL 同所謂online marketing用埋啲奇怪商業模式,係會出事。

KOL 靠乜食飯

首先,香港啲online marketing嘅友仔好奇怪,包括我討厭政治,凡政治為主嘅page一律唔落廣告,同埋,啲人落廣告,只係睇like數,但啲like堅定流,同埋啲果啲 KOL 有無實質擁躉同內容,佢地係一律唔理。而香港好多 KOL 根本無一個收入模式,其實就係等你班online marketer落啲代言post食飯,結果要生存可以點,買like囉,你估我呢啲黐線人,中國、澳門啲like一律掟出街。而買like嘅錢,羊毛出自羊身上,否則香港點會有啲明目張膽賣like嘅公司,呢啲公司如果喺西方國家,一般你喺dark web搵到嘅機會大啲,唔會明目張膽喺Facebook Messenger同你推銷。

而 KOL 除咗online marketer仲有乜收入模式?在西方國家,正常嚟講, KOL 就係傳媒,傳媒真正搵錢,都唔會係啲insert,insert最多只係一個package嘅部分,賣紙收入,以及廣告收入至係重點,而一個 KOL 嘅like,最活躍有幾多人,其實就係有幾多錢喺度,件事就係咁簡單,呢個亦係我依家唔會喺Facebook落廣告嘅原因,因為你落廣告吸番嚟嘅人都唔會你心水嘅人,而香港啲 KOL ,好多我都唔知乜水,最活躍果啲都唔知喺邊度嚟,根本無一個真正商業模式,你劏你班喺 KOL 落代言嘅 marketer 仲劏邊個。我唔做代言,我自己整間shop賣嘢,但我係營運到呀,因為道理在於有真正嘅內容同讀者。香港好學唔學,學中國玩吹水玩虛,所以 KOL 得個貴字又唔知用處喺邊,我可以理解囉。

發表迴響

你的電子郵件位址並不會被公開。 必要欄位標記為 *