Hong Kong Watch-保守黨黨大會-min

十一休息: Hong Kong Watch 演講會襲到事件到孫中山倫敦蒙難

喺1896年10月11日,大清帝國駐倫敦使館竟然綁架孫中山醫生,呢件事最終引起英國輿論公憤,大清帝國使節被迫釋放孫中山,因為呢種喺另一個國家擄走國民嘅行為,你講得幾偉大都好,除非好似以色列捉Adolf Eichmann呢啲極品人渣,否則係完全唔啱數,更何況喺人地執政黨嘅黨大會上搗亂,簡直係挑戰文明世界嘅基本原則。而 Hong Kong Watch 演講會事件,係十分具標誌性。

Hong Kong Watch 演講會搗亂事件有幾野蠻

如果左翼示威者喬裝記者會,混入右派政黨嘅大會之中,我都只不過認為喺歐陸派玩膠,但依家三個元素,呢單嘢係典型嘅國家行為,而且係典型難以忍受嘅行為,根本係應該作出外交抗議,甚至要趕部分中國國民出英國

1. 要搗亂一般唔會係人權委員會呢啲涉及普世價值嘅場合,仲要 Hong Kong Watch 本身係有齊英國朝野三黨參與嘅組織,左翼示威最多係針對經濟相關嘅部分,例如福利緊縮政策,喺人權場合玩屎係自殺行為。

2. 左翼玩極,一般係被人打就有,但唔會襲擊在場工作人員,但呢次係襲擊在場工作人員,你同對人地執政黨嘅人宣戰有乜分別?我睇唔到當中分別。

3. 左翼示威者甚少係擺明車馬有政府背景支持,但呢班所謂「記者」,如果無政府背景撐腰,我唔明點解佢地夠薑做呢挺與專業背景不符嘅事。

所以,我相信呢次係第一個國家政府,走去人地國家執政黨黨大會搗亂,就算係蘇聯年代都唔會發生呢挺事,蘇聯如果當年做啲咁嘅事,我恐怕一早連仗都有得打。只不過,蘇聯某程度都有俄羅斯帝國承傳,仍要尊重歐洲嘅基本一啲規則,但依家中共承傳果個係大清帝國,而大清帝國可以講,係歷年來最唔尊重基本文明體制同規則一個政權,如果中國幾年後好似1899年-1900年,遭到世界諸國政府圍抽,我覺得毫不意外,大家睇番1896年孫中山喺倫敦蒙難事件,再睇當時英國政府嘅態度,大清帝國以為唔尊重文明秩序係唔駛俾出代價,結果喺1899年-1900年付出史無前例嘅代價,亦注定咗1911年一場意外革命中,大清帝國政府嘅倒台。

講番1896年10月11日,大清帝國喺大英帝國首都嘅行動,根本係唔尊重他國主權,仲要係有英籍人員協助下做啲咁嘅事,係十分之離譜,只不過,當時英國政府只係施壓清廷放人,並無作出進一步強硬行動,例如派兵出戰,當時已經係保守派當權嘅清廷認為,不尊重國際規則並無乜嘢大不了,所以後嚟清廷官員竟然夠膽支持義和拳一類排外團體,亦都係呢個原因,佢地唔認為咁樣會有任何後果,相信孫中山倫敦蒙難事件不了了之,係有關係。

英國外交部對華官員採取鴿派態度,可以講係早已有之,由1896年至今都無大變,相反,對華強硬都唔會係FCO人嘅主流態度,但係唔係代表呢次中國又唔需要俾出任何代價,唔會,大家諗吓,對英國人嚟講,執政黨黨大會被外國人搗亂,仲要喺BREXIT呢個關鍵時刻,但依家保守黨政府喺BREXIT上四分五裂,弱無可弱,如果保守黨唔做番啲強硬嘅事,呢個會最終打擊成個公眾對政府捍衛英國主權能力嘅信心,呢單嘢係無理由唔理。如果最終保守黨對華立場,因本來希望藉對華友善而保持對華友好關係,但依家好可能係,因為呢件事,政府如果唔想被視為一班軟弱分子嘅話,就只有對華採取強硬立場,而依家睇喺乜地方,作為採取強硬立場嘅切入位。

大清帝國一直係採取血統主義國籍法,除咗因為民族主義引入大清果陣,混雜大量奇奇怪怪嘅沙文主義外,仲因為以往國籍係一個出兵藉口,所謂保護僑民,一如印尼國籍法喺荷治年代係出生地主義,因為一旦華裔印尼人喺中國出咗乜事,荷蘭可以用佢地Dutch Subject加入介入,荷蘭一直喺中國無抽到乜嘢油水,好需要一個藉口喺中國抽啲油水,所以至會凡華人都俾個荷籍人士身份,呢個亦係點解最早參與歐洲政治嘅華人,唔係馬來、新加坡,而係荷蘭華人。中國仲喺香港問題上玩膠,最終有乜結果,其實今日呢件事上,已經有咗明顯嘅答案,中國呢個政權野蠻得必須喺伯明翰作示範,英國人無可能由得佢。

發表迴響

你的電子郵件位址並不會被公開。 必要欄位標記為 *