Hong Kong Watch-保守黨黨大會-min

保守黨黨大會 Hong Kong Watch 講座中國人襲擊事件

本來2018年9月30日,我個肉身應該喺伯明翰出席保守黨 2018 Conference,結果我仍然喺德國嘅屋企休息,但 Hong Kong Watch 喺黨大會嘅講座,就出現有中國人襲擊在場保守黨人嘅事件。詳情大家可以去看本土新聞曾焯文報導,我唔覆述。

中國政府放肆到喺 Hong Kong Watch 講座挑機

當然,我係收到英國同德國方面善意提醒,收到消息叫我唔好去,所以我至留喺德國休息(我呢幾日都健康唔太好),但我估唔到我呢個潛在目標消失咗,班友都仲可以咁玩,英國保守黨黨大會呢次保安漏洞多到匪夷所思,先有澳洲公司寫個退聯App,寫到保守黨一眾大佬嘅聯絡資料漏晒出街,跟住黨大會第一日就嚟單中國人喬裝記者喺 Hong Kong Watch 座談會搗亂事件,呢啲係乜嘢保安層次嘅保守黨黨大會,我身為英國人兼保守黨員,我感到十分之疑惑,我相信呢幾位中國人好大機會係利用中國政府喺英國設立啲假傳媒嚟搞事,中國政府要搞呢啲仆街嘢,綽綽有餘。

連同呢幾日我管理啲Server出現嘅大量不尋常活動,我見到係中國應該好驚英國真係有所動作,所以至做得出呢啲匪夷所思嘅事,英國係時候大幅收緊中國人逗留當地嘅要求,以及對果啲所謂英國中文傳媒作出調查,我真係懷疑唔計BBC、DW一類公共廣播機構,可能得我呢個喺德國營運,用香港語寫作嘅Server,以及法輪功系嘅報章唔受中國政府支配,美國人對新華社以及CNTV要求登記為foriegn agent,我個人認為係合情合理到爆嘅安排,我對中國政府派出嘅人,只會做出一啲更離譜嘅事唔會感到意外,因為依家中國人係全面暴走,無視國際文明社會嘅遊戲規則,我亦估唔到,喺香港時間10月1日我出第一個post,竟然係 Hong Kong Watch 呢個座談會。

都係果句,中共政權比大家想像中都要脆弱同白痴,只不過,呢個政權發起癲起嚟都係唔可以講笑,各路人馬應該加強保安工作,有時做多啲保安工作好過唔做,大家都知呢個係乜國家。

發表迴響

你的電子郵件位址並不會被公開。 必要欄位標記為 *