支爆-熊本熊-min

連財經新聞都要河蟹證明 支爆 好嚴重

對於好多香港人嚟講,佢地對 支爆 幾嚴重係缺乏概念,我諗搞到經濟大崩潰果陣你至知 支爆 嚟咗,我真係只能用北斗之拳果句變咗爛gag嘅對白嚟回應你:你已經死了。但有件事,係好明確警告, 支爆 真係好嚴重,各位應該有所防備,就係中國連財經新聞都要河蟹。

支爆 嚴重至要河蟹財經新聞

以往中國好少對財經新聞要作出勁河蟹嘅安排,因為中國共產黨政權合法性係嚟自經濟發展,而自1978年以嚟,中國經濟都係向上,唔河蟹嘅財經新聞某程度係為中國共產黨政權作出有力背書,有西方傳媒印證嘅財經新聞就更加有力量,所以中國共產黨宣傳部門嘅人,要管都係管政治新聞,或一啲涉及大貪官利益嘅民生新聞,而唔係財經新聞。只不過依家 支爆 到呢個程度,基本上已經著緊火,好多同中國經濟有關嘅負面嘢陸續浮上嚟,唔再係好似 支爆 論者嘅烏鴉口,如果情況持續落去,我相信民眾對政權嘅支持係會瓦解嘅,所以依家中國連財經新聞都要河蟹,甚至我懷疑所謂《基本法》23條立法,其中一個目的就係對財經新聞嘅封鎖,等民眾對負面消息懵然不知,咁果啲仆街中國領導人可以繼續將啲錢攞走,等到真係頂唔住果陣,啲領導人已經連人帶錢走晒,剩番一堆中國人自己喺度困獸鬥唔知做乜。

所以財經新聞都要河蟹,呢個係十分嚴重嘅凶兆嚟,即係你依家就要開始準備你嘅資產離開,甚至你成家大細嘅離開,因為中國呢個政權一爆,中國人唔係1945年德國柏林人,當蘇軍攻入柏林果陣,柏林民眾都奮勇抵抗,因為大家都知蘇聯係一班仆街,但只要知道對方會善待自己,都會儘快投降走人,日本天皇喺掟咗兩個原子彈後快快投降,除咗唔知美國佬仲有幾多貨外,蘇聯嘅八月風暴隨時打到北海道,果陣真係hihi,寧願全境被美國佔領好過,事實證明日本當年戰略判斷難得係正確。而中國人一知道中國共產黨講緊係假話,佢地會點?我唔信中國人真係會死忠於共產黨,我睇全國大瓦解果陣嘅亂局,都應該係幾恐怖嘅一件事,我諗大家其實要認真諗真啲,一個大時代其實已經嚟咗。

發表迴響

你的電子郵件位址並不會被公開。 必要欄位標記為 *