電子煙-1

電子煙 都唔應該禁,更何況港獨

梁振英呢條廢老,退休學人玩Facebook做鍵盤戰士,其實以佢咁X愛中國,應該用微信,唔應該用Facebook,不過呢個都算,佢話港獨同 電子煙 一樣有害,要禁 電子煙 ,所以要禁港獨,簡直係黐孖筋到爆。我真係只能講,條友真係黐X咗線。

電子煙 都唔應該禁,更何況港獨

我唔明點解教育界同香港醫學界班禁煙塔利班一齊癲,要反對 電子煙 ,但我喺呢度講咗n次, 電子煙 係有助禁煙,以及減少二手煙問題,我唔知香港教育界果個十歲食 電子煙 嘅例子係個別例子,定係有人根本一早學咗食傳統香煙,後嚟至改咗食 電子煙 ,因為喺西方國家,極少細路走去食 電子煙 ,至少研究數據都反映呢個現實。喺西方, 電子煙 都係視為協助戒煙嘅產品,點解要禁佢,用港獨嚟類比,簡直係九唔搭八,不知所謂。

只不過,如果梁振英硬要將港獨同 電子煙 類比,我恐怕你更大鑊,傳統香煙係最毒,亦係最多二手煙等公害,依家中國統治係傳統香煙嘅話,係咪應該反對中國統治香港,而唔係港獨呢?當然,戒煙係最好,正如歸英都係最好一樣,本來人都係唔吸煙,正如本來香港都係英國一部分一樣,梁振英呢個論述,我反番轉頭用都仲得,依家就係要香港健康成長,應該歸英,港獨次之,中國殖民統治係最好,一如吸煙,戒煙梗係最好, 電子煙 次之,然後吸傳統煙係最唔好,恐怕我用呢個邏輯嚟類比番果陣,你梁振英想甩港獨之父之名都幾難,張五常教授成日講,要用例子,要用得新穎,新穎例子嘅前提係要邏輯清晰,因為邏輯唔清,亂用例子,只會越講越硬膠,最終變咗一舊屎。依家梁振英咪就係亂用例子,變咗一舊大屎,講真,梁振英送個咁膠嘅比喻,我真係多謝佢老人家都趕唔切,佢簡直係送子彈俾一眾港獨派駛,無梁振英大家都未必咁認真考慮港獨。

不如快啲送梁振英入青山,相信呢個會符合香港同中國嘅共同利益,我覺得呢條友已經黐X咗線,邏輯混亂,送入青山,可能係唯一對各方有利嘅做法,佢再做特首,一定係人間大災難,佢條友唔滅絕香港人係絕對唔會心息,因為呢條友係心理變態。

2 thoughts on “電子煙 都唔應該禁,更何況港獨

  1. 向黃兄請教: 尾二段第四行”中國殖民統治係最好”, 似應是”中國殖民統治係最唔好”.

發表迴響

你的電子郵件位址並不會被公開。 必要欄位標記為 *