轉數快-min

轉數快 :有好過無

明日開始, 轉數快 正式啟用,而我呢度做咗 轉數快 登記,大家只要將錢轉去 [email protected] 就可以完成程序,免咗大家去花旗銀行ATM或跨行轉帳嘅功夫, 轉數快 係有好過無嘅進步,但仍然距離世界標準距離好遠。

轉數快 只係第一步

轉數快大家焦點只係QR Code,但我睇到另一樣嘢, 轉數快 應該係世界最方便轉帳系統,因為佢跟email或手機號碼,我主張跟email,因為手機你可以變,但email唔可能變,唔駛好似SEPA IBAN咁怕打錯水蛇長春嘅戶口號碼(所以德國轉帳表格係防止你打錯字用),亦唔駛因一改Sort Code搞到客戶大亂,HSBC UK 做Ringfencing要改Sort Code咪搞到好多嘢係亂咗。所以如果轉數快系統長遠唔只用喺小額轉帳,而係用到喺大額轉帳,將會係一項德政,對商戶之間消滅使用現金同支票需要大有幫助,你估用現金同支票付款好好玩,現金、支票,甚至以往嘅轉帳系統都好多令人沮喪嘅問題。

但我點解講 轉數快 只不過係第一步,首先,喺歐洲,SEPA唔好話 Inter-bank Transfer,係國家轉帳都可以免費,好似我向Fulton入貨,因為係dealer身份,唔係用Paypal、唔係用Credit Card,係用銀行轉帳,但由於英國同德國都係SEPA系統成員,我由德國匯錢去英國係無手續費嘅,我唔明點解香港銀行之間轉帳仲要手續費,如果香港inter-bank transfer係免手續費,我相信好多e-Commerce嘢可以做,而香港各行各業嘅行政負擔係得以減輕。

另一樣嘢係,歐洲SEPA雖然係慢(Instant Settlement甚少銀行提供),但有樣嘢係好多,就係API公開,各商戶可以食SEPA Transfer嘅Reference Message,自動對番啲數,如果香港金管局可以開放API,商戶可以即刻用 轉數快 或者銀行轉帳收到貨款,減少用信用卡,係好功德無量。問題係,金管局做唔做呢?

One thought on “轉數快 :有好過無

發表迴響

你的電子郵件位址並不會被公開。 必要欄位標記為 *