鼠疫-min

鼠疫 將臨?

香港大學研究團隊喺彩雲邨發現咗一樣好令人震驚嘅事,就係居然有老鼠帶有戊型肝炎病毒,如果病毒變成奪命就不堪設想,會真係變成 鼠疫 ,只不過,有兩個問題一定要問清楚,呢個兩個唔搞清楚,香港人根本寢食難安,唔知幾時出大事。

鼠疫 邊度嚟?啲老鼠又點搞出嚟

首先,一定要問問題係 鼠疫 邊度嚟,簡單嚟講,啲病毒真正源頭喺邊,我懷疑係同中國有關,因為香港咁細,其實無乜太多病毒變異空間,但中國就唔同,大家都記得沙士同H5N1都實際同中國有關,中國嘅奇怪環境可以衍生好多古怪病毒,另一方面,中國會唔會研究生化武器出咗事,我們根本唔知,大家都知 鼠疫 係生化武器熱門研究項目,係黑太陽731果挺仆街級數嘅研究項目,中國近排唔肯交出H7N9病毒樣本俾國際社會,懷疑中國會用嚟研究生化武器用,我對中國呢方面嘅意圖極度懷疑,所以點解無喇喇有染上肝炎嘅老鼠周街走呢件事係必須作出詳盡調查,否則我點知啲老鼠會唔會去到其他國家,造成史無前例嘅公共衛生大災難。

另一方面,點解係九龍東彩雲邨出現 鼠疫 情況,一方面議員係民賤聯啲人,呢次真係懲罰選民,另一方面,公屋清潔商被幾個家族圍標咁左手交右手,你想公屋真係清潔都幾難,而且會涉及貪污情況,再加上中國嚟嘅移民嘅衛生習慣,以及食環署啲蟲鼠組人員究竟買乜叉老鼠藥去做防治老鼠工作,依家件事搞到難搞到爆,如果依家呢個大環境唔搞掂,我諗大家都係要有喺屋企用老鼠藥嘅習慣,仲要小心屋企嘅細路以及寵物錯誤食咗老鼠藥。甚至唔好搞到市面上買到啲老鼠藥根本係無效嘅,我真係唔想連老鼠藥呢一樣嘢都要一併出口到香港,成件事係好膠。

都係果句,你唔理政治,政治可以殺死你,唔係用槍炮,只不過用病毒啫,呢個道理香港好多人都唔明,但唔計化學武器,呢個世界真係死得人多,不外乎天災、槍炮同埋大規模疫症,而槍炮同大規模疫症兩樣嘢,背後都係政治,你討厭政治,唔代表政治會消失,更加唔代表壞政治嘅後遺症唔會影響到你,畢竟槍炮以及病毒都根本無眼。

發表迴響

你的電子郵件位址並不會被公開。 必要欄位標記為 *