facebook-seo

Facebook 被hack係唔係同中國有關?

Facebook 公布,因為呢幾日有hacking事件發生,有五千萬客戶被強制logout,呢件事有人被hack嘅時間喺9月25日至26日,呢段時間令我十分之起疑。我十分之懷疑, Facebook 呢次被hack事件,係唔係同中國有關,我認為FBI係有必要介入。

Facebook 應該受同一批中國黑客襲擊

點解我會咁講,大家都記得,我曾經為咗防止中國黑客進一步襲擊,暫停咗會員網站十幾個鐘,果陣我已經發現大量bot不尋常活動,果啲都係用AWS,或一啲古怪Server行事,而User-Agent多數係QQBrowser有關,或者係python request果啲鬼agent,所以我要時間修補保安漏洞。

而我發現,喺歐洲嘅朋友(即係做咗Facebook搬遷戶口程序),只要係歐洲電話加歐洲IP一般無事,出事嘅好多係香港戶口,所以我相信呢次黑客實際目標係香港用家,以及喺Facebook Inc.管理下嘅戶口,因為呢啲戶口一般受比較鬆嘅私隱權管制,所以 Facebook 有可能一早知道漏洞嘅存在,只不過,只係做咗受GDPR管制果啲戶口先,因為一旦出事,歐盟罰得甘好多,甚至任由香港戶口被針對,因為中國政府有得益,直至紙包唔住火為止,否則我解釋唔到,點解出事果啲,都係香港戶口,或者未完成遷冊歐盟過程嘅戶口。

所以 Facebook 被hack更加令我明白一點,依家中國已經喺一個完全暴走狀態,喺呢個狀態下嘅中國,係乜嘢黐線嘢都會發生,我都會勸大家,將Facebook慣用電話,以及常用IP搬到歐盟,由歐盟比較嚴厲嘅法律去保護你嘅權益,而二步認證,我相信依家要做,如果你係最敏感級別人物,你嘅二步認證應該係直頭支援FIDO U2F技術嘅key再配合Chrome,講真,我依家賣Yubikey,都唔係為賺錢,而係依家中國黑客嘅行為,我相信係比大家想像中瘋狂得多,我相信中國會用盡任何你諗得出嘅方法,去令Social Media大亂,Social Media安全係一個國家安全問題。

發表迴響

你的電子郵件位址並不會被公開。 必要欄位標記為 *