香港獨立-min-2

港獨 或者係幻想 港中分家唔係

陳健民教授喺接受傳媒訪問果陣,指佢理解年青人嘅睇法,但佢只認為 港獨 係幻想。睇咗咁多年, 港獨 有可能變A貨港獨,衰過依家中國殖民,所以我對 港獨 都有自己睇法,只不過,港中分家作為保護香港民主嘅工具,好明顯唔係幻想。或者只有果啲投咗降,又想人投降嘅大中華膠同澳門人,至會認為係幻想。

港獨 同港中分家分別

港中分家係比 港獨 闊一啲嘅光譜,因為港中分家,可以包含歸英,而歸英都有幾種方法,有最接近獨立嘅新加坡模式自治領(即係新馬合邦前新加坡嘅狀態,果陣內政全部新加坡自理,英國只保留軍事同外交事權),到海外屬土,到直接併入英國本土,成為UK其中一個成員Nation,而港中分家比純粹 港獨 可行,因為香港係一個國際條約建立嘅城市,而國際條約上列明嘅責任,係中國對香港主權嘅真正基礎同代價,當中國唔肯守呢啲承諾同責任果陣,成件事亦都會玩完。一如以往嘅但澤、今日嘅德國薩爾呢啲地方,全部都係國際條約下列明佢嘅主權誰屬,甚至仲要併以公投。

所以港中分家,將會係未來港獨最大公約數,甚至呢個至係香港嘅主流民意,我相信,如果香港人可以平等分享作為聯合王國一員嘅權利及義務(即係要交一定稅,但香港可以享有House of Commons代表席位),唔少人係併入聯合王國一部分都無問題,一如依家好多法國、荷蘭嘅海外屬地,都享有本土嘅國會議席一樣。對香港人嚟講,大家都知道只要中國呢個民族同國家性質不變, 港獨 只會有假貨,而且孤立無援好危險,暫時香港並未有好似李光耀,或當年新加坡人民行動黨黨員一樣有捍衛自身權益嘅強烈意志,呢個係我對 港獨 呢個問題同陳健民睇法唔同嘅地方,佢認為香港係一啲本錢討價還價都無,我睇法係,中國唔願意傾,引入外人都係一個方法,甚至成為另一個國家嘅一部分都係一個方法,只要果個國家肯定會尊重香港人嘅語言同一貫價值。

新加坡式嘅獨立國,我相信係唔少年青人嘅 港獨 理想,但我知實際嘅局限,而港中分家,係保存香港元氣嘅最大公約數,雖然都代價匪淺。

發表迴響

你的電子郵件位址並不會被公開。 必要欄位標記為 *