Trump

當 Trump 唔當習近平係朋友

Trump 雖然係一個重口味人物,但 Trump 都有商界佬一啲圓滑個性,例如周圍話人係好好朋友,friendship好好,呢個係商家佬圓滑作風,事實上, Trump 有乜人係真朋友,得佢自己先知。只不過, Trump 唔當習近平係朋友係堅係大新聞,因為 Trump 連對習近平嘅圓滑行事手腕都唔用,就真係當習近平同中國係敵人,呢個同佢對習近平講You’re fired一啲分別都無,睇嚟大家係要認真睇路就真。

Trump 依家當習近平係仇家

美國人一向有用英文用字誇張,凡人皆稱朋友嘅壞習慣, Trump 口實掛住very good呢啲字,呢個係一個典型Sales佬係唔駛講,但亦因為係咁,所以佢好難同你擺明車馬反面,乜都會留一線,但 Trump 依家講習近平唔再係朋友,其實意思係攤牌、反面, Trump 把口講因乜理由同習近平反面唔重要,但依家係 Trump 已經準備好同習近平硬碰硬,喺支爆嘅時候遇正 Trump 呢個取態,你覺得 Trump 想唔想中國死?大家都有好清楚嘅答案,都唔駛我多講喇。

Trump 之所以夠薑同習近平反面,一方面中國根本無俾面佢老人家,佢好多時關稅政策係裝凶作勢,主要目的係想你同佢講數,歐盟就醒水,所以 Trump 好快整咗個好deal俾歐盟,但中國唔俾面,咪敬酒唔飲飲罰酒,另一方面,喺韓國問題上,金正恩明顯準備棄國,好可能金正恩去華府簽對美和約,就一切萬事大吉,相反,中國一日到黑喺度搞搞震,依家隨時 Trump 憎習近平仲多過以前嘅金正恩,甚至果班麻X煩嘅伊朗包頭佬,所以 Trump 就一於幾大就幾大,而美國對中國嘅攻勢,亦會一浪接一浪,唔會俾中國抖氣嘅空間,因為有人唔俾面在先,呢啲人根本唔明白 Trump 嘅性格,其實係十分之草根嘅美國人,唔係長春藤名校出身果啲謙謙君子,你依家得罪一個草根過唔草根嘅美國總統,你真係唔識個死字點寫。

Trump 唔當習近平係朋友,根本係講緊 Mr. Xi, You’re fired。呢度,我祝大家好運。

發表迴響

你的電子郵件位址並不會被公開。 必要欄位標記為 *