佐敦之虎案-臥底-min

佐敦之虎案 :臥底作大作出膠

佐敦之虎案 終於審結,但判決結果令人大吃一驚,因為臥底鄭皓瑋嘅荒謬證供,結果唔單只案中九個人被打甩,但連帶百幾條友嘅案都被打甩,簡直係豈有此理。證明警方長期以嚟為求目的不擇手段,已經去到一個離譜境界,簡直係一股歪風。

佐敦之虎案 嘅教訓

呢次令翡翠刀變屎坑關刀嘅關鍵,係臥底鄭皓瑋果堆作出證供,無錯,臥底為咗取信犯罪分子,有可能被迫犯法,否則都唔駛問律政司司長攞一份豁免刑事起訴書,美國FBI都試過有臥底爭啲連大佬都做埋,因為件事太膠,被迫收網搞掂呢班友(當然美國容許臥底做廿幾年,香港唔得),只不過,無論點參與犯罪活動都好,有一個前提,就係喺法庭作供必須合理,否則就真係派你條友入去奉旨犯法。依家 佐敦之虎案 真正問題,唔係臥底扮吸毒,溝咗黑幫啲女,甚至可能搞埋,而係喺法院亂供作供,唔合理作供,製造疑點俾被告走,令成單case玩完,所以呢件膠事香港警察絕對欠公眾一個交代,你用公僕去做臥底無問題,但無理由搞到咁。

呢個係同呢幾年律政司同警方嘅做嘢作風有關,無論政治案件定一般刑事案件,香港警察同律政司都任由啲前後矛盾,有問題甚至夾出嚟嘅口供上庭,過往法院亦好多時求其審唔理,或者政治案件,有人故意唔理,但依家喺一啲高度注目嘅案件,你咁玩就會出事,而依家 佐敦之虎案 又好,昨日判嘅黃毓民被指襲擊梁振英案又好,都係慣性作大,結果上得出多終遇虎,黃毓民對梁振英,高等法院都咁對梁振英果啲亂咁嚟嘅口供,大佬,特首喎。依家裁判法院仲唔認真看待呢啲亂嚟嘅證供,明知呢班友係黑人物都要放佢地出嚟,否則上到高等法院又咪係得個膠,所以呢次判決係十分之正常,係香港警察同律政司腐敗到一個點,如果呢種作風仍然唔改,我相信香港日後好多政治以外嘅刑事案件,根本唔駛告落去,因為好多時都被政府同警察亂嚟嘅作風搞到要drop case,只要香港仍然維持一定程度嘅司法獨立嘅話。

香港治安日壞係肯定,但責任喺警察度,律政司要自救,唔該起訴果啲喺法庭山草藥啲警察,唔該。

發表迴響

你的電子郵件位址並不會被公開。 必要欄位標記為 *