梁振英-DTZ-min-助訟

律政司幾時就 梁振英 發假證採取行動

黃毓民被指喺立法會襲擊 梁振英 案有上訴判決,就係法官認為 梁振英 嘅證供根本係不可信,結果成單case drop晒,呢個都算係黃毓民呢幾年嚟對香港嘅貢獻(公道啲,應credit嘅俾番人地),只不過,呢單嘢唔應該就咁算。有一個問題必須處理,就係律政司幾時就 梁振英 喺法庭講大話嘅行為作出檢控?

梁振英 有明顯意圖作假證供

如果呢單案係普通刑事案件,某個主要證人證供唔可信,都未必要律政司採取行動檢控,因為相關行為未必證明佢有Mens Rea係蓄意作出不可信證供,記性唔好係有得解嘅,只不過 梁振英 好明顯唔係呢個情況,黃毓民係 梁振英 政敵,而一旦黃毓民罪成, 梁振英 可能因此有所得益,呢個令人合理懷疑 梁振英 係蓄意作假證供,甚至誤導警方以及律政司,浪費公帑作出無謂檢控,點解律政司唔處理呢件事?難道當時嘅律政司司長袁國強串謀喺呢單案上要老屈黃毓民,呢個係一個司法公正問題,所以下一步要追就係律政司司長會唔會就 梁振英 喺法庭嘅不可信證供作出調查,甚至作出拘捕,並將梁振英帶上庭審訊。

大家要留意一樣嘢,法官嘅判詞係可以呈堂作為證據,只要審訊 梁振英 妨礙司法公正,甚至做假證,發假誓嘅案件唔由呢單案相關嘅法官審就得,所以我睇唔到律政司司長有合理理由,唔要求警求將 梁振英逮捕歸案,呢單案如果唔拘捕 梁振英 ,並且對佢嘅行為作出檢控,呢個有如鼓勵個別人等濫用司法制度作出政治檢控,警察喺法庭山草藥亂咁作供,我覺得已經有好多警員應該被捕,並告佢地妨礙司法公正,而 梁振英 身為特首做呢啲咁嘅事,簡直係罪加一等,我相信如果有市民報警要求警方處理 梁振英 ,我真係想知道,有咁多多餘警力對付民族黨嘅香港警察,點解唔對有人擺明車馬玩法庭嘅行為作出公正調查。

而且 梁振英 依家好想再做特首,取代林鄭月娥,如果我係林鄭月娥,一定叫鄭若驊開 梁振英 file,雖然我都憎林鄭月娥,但如果佢敢對付 梁振英 呢條仆街,大家好樂意林鄭月娥作出呢類檢控,有啲人係擺明阻住個地球轉,係時候清一清佢。

發表迴響

你的電子郵件位址並不會被公開。 必要欄位標記為 *