假如你是銀行,怎集資

由各國際級大銀行的資本充足比率來看,各大銀行開動抽水機供股是遲早問題。但在考慮銀行幾時會供股,首先要想,銀行有乜工具可以集資。

依家銀行有以下集資工具:

1. 存戶存款
2. 發行定息優先股*
3. 發行債券或商業票據*
4. 發行可換股票據*
5. 同業拆借*
6. 供股、批股
7. 問政府嗌救命

小存戶的存款一定救唔到火,就算救到,如果你息唔貴都唔駛諗。而2, 3都是fixed OTC market經常交易的東西,但2, 3以至4,以及銀行經常用到的5,全部都會受到Credit Default Swaps或Credit Default Options的影響,在依家人心浮動的時候,差不多好多金融機構的CDS和CDO都相當難睇,令這方法的借款成本一係好高,甚至根本借唔到,因為Credit Spread係同CDS, CDO交易有關連,如果CDS > nominal interest rate,你玩唔玩?這亦係Citi最後要向政府嗌救命的原因。

有些銀行可以供股或批股,但先決條件係個深淵唔可以太深,同埋間銀行唔可以太巨型。如果成手toxic assets,或者股權太分散,供股唔知有無機會過,或唔知有無人陪你玩,咁只能問政府求救。正如郎咸平講,利用政府信用來加持銀行,希望拖得一日就一日。

後話:今天《金融時報》Lex Column (亦即係中環博客的模仿對象),插到香港金融監管制度阿媽都唔認得,係囉,呢鋪迷債搞到人人硬膠,唔知證監同金管局班茂利幾時去剖腹自殺?

4 thoughts on “假如你是銀行,怎集資

  1. 從眼見現行所有金融機構,可能最正常係本港銀行,不過都係五十步笑百步,至於監管機構,向來本港都係抄外國政策,從來沒有創意。幸好本港銀行尚算自律,比起外國銀行,否則死多十錢重。

  2. 以我了解,除了最保守果些華資銀行,好多銀行都唔係太自律,只不過未爆鋪勁咁解。

  3. 當然間間銀行都大玩對賭遊戲,現在問題是賭得有幾深,相對本地銀,算小賭了。

發表迴響

你的電子郵件位址並不會被公開。 必要欄位標記為 *