香港獨立-min-2

香港獨立 與反殖

由細到大,我都係 香港獨立 嘅支持者,我呢方面政治信仰,大學同我做同學嘅都知,所以我喺中大學生會歷史從來係異數,亦係咁解。呢幾年我轉向歸英,但係最終入歐盟嘅歸英。其實無乜矛盾,因為南洋人嘅反殖係好清楚,反對任何嘅霸權主義,呢個係基本原則。

香港獨立 與反霸權

李光耀為咗實現Malaysian Malaysia,不惜同東姑拉曼反檯,甚至新馬分家,佢一個人艱苦經營新加坡在所不惜,其實我好明白李光耀同佢追隨者嘅意圖,大佬,接受你果套Malay Malaysia,即係接受馬來殖民主義,咁同留喺英國俾英國人殖民有乜分別?我睇係一啲分別都無,呢種情況,寧願分家。我對香港同中國關係睇法一致,如果中國人唔搞掂自己,要香港人分擔責任,唔該俾香港人直接喺中國事務上有若干話事權,但中國共產黨連中國人民都唔俾有話事權,更何況中國人自己都唔信民主果一套,香港人留喺度陪你中國人玩做乜,呢個係我支持港中分家嘅最大理由嚟,我對中國人嘅心態同性格係知得好清楚。

不過,最怕係假獨立,乜嘢叫假獨立,由一啲口就反對獨立,但又話接受獨立嘅果果啲投機分子,講句難聽,呢班友係會騎劫香港主權,然後將香港變成一個石敬瑭、汪精衛之流領導嘅假獨立國家,呢種偽獨立最為仆街,所以我寧願歸英,至少你必須喺英國遊戲規則下玩,而今日英國已經向一個多民族國家邁進,你要學曉當中規則,必須交學費,而且學費唔平,但如果可以因此保障香港主權安全,擁有真正自治同實質獨立,這係未嘗係一條出路,我相信大英帝國喺BREXIT一役後,佢BREXIT又好,唔BREXIT又好,大英帝國都只會向類似奧匈帝國嘅雙元或多元帝國走,否則你聯合王國乜都唔係,如果呢種聯合王國架構下,香港歸英一定會比歸中為佳,當然留喺歐盟係最好,歐盟體制有諸多問題,但一定比中國嚟得公正。

無論李光耀式運籌為幄,定歸英成為一個多元國家嘅部分,都係我可以接受嘅方案,但借獨立之名令香港成中國傀儡,呢個唔好意思,呢啲比大中華膠更虛偽。

發表迴響

你的電子郵件位址並不會被公開。 必要欄位標記為 *