高鐵-高官

高鐵 電力供應唔夠就咪學人入嚟香港

高鐵 通車第一日,就話因為同一電力區有太多火車,所以至觸動安全系統,並且停咗十分鐘。呢件事,對於香港鐵膠,未必明乜事,但對住德國嘅鐵膠,就知係乜事嚟,我覺得 高鐵 如果電力供應唔夠,根本唔會提供到準時而穩定嘅班次,而且好易有追撞事件,不如唔好搞。

高鐵 電力供應點唔夠

德國雖然係研究出時速300km/h嘅ICE,只不過,ICE喺德國境內好少行得特別快,只有少數專用路段至會行得超快,仲要果啲路段都係喺東部多,但ICE一出德國國境就有如識飛一樣,呢樣嘢,我喺來往荷蘭同比利時嘅列車上領教過,除咗因為訊號系統問題外,仲有一樣嘢,就係德國西部科隆以北嘅路段,好多唔單只訊號系統未得,係連電力都未得,所以TGV一過Aachen Hbf(喺Aachen Hbf由荷蘭3000V直流系統,切換德國15kV交流系統),改用德國嘅電壓後立即慢咗好多,跑到200km/h左右已經偷笑,所以德國段喺短,但車程遠比比利時、荷蘭段長,亦係呢個緣故。所以德鐵要成日喺德國萊茵河沿線升級訊號系統之餘,仲要升級埋個電力輸入,否則成堆貨運車、S Bahn、RE、ICE撞埋一堆,唔嚟個訊號停頓都幾難吓,更加唔好講飛到300km/h,甚至我住嘅Dusseldorf,都要進行Hbf改建,唔係因為建築物太舊,而係Hbf個控制區本身嘅電力供應同訊號系統就係樽頸位嚟,你唔順便執埋佢真係唔得掂。

所以我唔明中國電力系統未準備好情況下,點解仲要學人玩 高鐵 ,唔怪得成日架車無喇喇停晒喺度,連燈都無,港鐵嘅回應,變相回應咗點解2011年會雷劈都會搞到列車追撞事件嘅問題,因為成個系統overload咗,訊號系統隨時都因此一併瓜柴,德國佬話安全至上,有時明知overload,都唔俾ICE車出,係俾RE或S-Bahn出咗先(果啲車用電相對細,影響民生亦比較大,當然有時係跳軌事件有關,果啲同日本一樣嘅問題,就另計喇),中國識條鐵咩,所以 高鐵 你敢坐,一個充大頭鬼鐵路你都諗過先。德國好多鐵路有成過百年歷史,upgrade又upgrade,膠咗唔奇怪,但中國?果啲新起喎,你覺得呢。

發表迴響

你的電子郵件位址並不會被公開。 必要欄位標記為 *