中國黑客-min

中國黑客 滋擾升級

好多人以為,我呢度錄吓音,寫吓嘢,賣吓嘢,好似好得閒咁,其實唔係,一方面你當一盤生意營運有好多admin工作,但另一方面,我係花好多時間喺保安上面,不單有好多 okhttp 同 python-request 嘅垃圾bot,我今日因為發現有中國IP意圖強攻 member site,所以我要臨時維修以防資料洩漏。

一個人對 中國黑客

我喺德國依家嘅經營,係我一個人單刀匹馬負責,而中國呢班仆街係擺明用人海戰術,佢地濫用中國公帑,然後部署好多機喺攻擊上面,我已經用 Cloudflare 比較 Professional 嘅plan,而Server硬件設定上,基本上應該講緊係應付呢度正常traffic六倍嘅容量,但依家 中國黑客 加緊亂嚟,所以就算我每日由花一個鐘時間應付保安問題,加到每日兩個至三個鐘應付保安問題,如果唔係用錢去回應,我睇落都會幾麻煩,我相信同中國同香港近日局勢明顯惡化有關,所以 中國黑客 嘅滋擾升級緊,縱使中國IP、澳門IP同俄國IP全ban。

雖然依家Cloudflare有機制去擋中國、澳門同俄國IP,但有百分之十漏網之魚係要人手處理,因為中國、澳門、俄國嘅仆街公司,都有喺其他國家買Server,另一方面,縱使經過向Google投訴後,Google App Engine嘅濫用情況基本上杜絕,但佢地取而代之,係用Amazon Web Service同阿里雲買Server繼續攻擊,以及進行black hat SEO,所以基本上,你係要浪費時間喺分析access log上面,好似佢地依家突然意圖用漏洞攻過嚟member site,我由德國時間早上十一點做到依家,應該要去到三點幾至叫做完,呢個亦係我咁憎五毛嘅原因。

當然,我唔會咁容易被擊敗,我一向信《老人與海》果句金句作為做人其中一條格言:But man is not made for defeat. A man can be destroyed but not defeated。(然而人非生來被擊敗。人可以被毀滅而非被擊敗),呢個亦係我對啲五毛同 中國黑客 嘅回應。(信用卡入會就等Server修理好先,呢個亦都係保護會員)

發表迴響

你的電子郵件位址並不會被公開。 必要欄位標記為 *