天眼-香港

天眼 零件連出口香港都唔得:香港只會越嚟越難買高科技嘢

中國最近濫用 天眼 技術監控人民,但相關技術其實唔喺中國度,喺西方國家度,歐洲已經作出反制,其實最重要係,有關零件係唔可以出口到香港,呢件事十分重要,做中國白手套做得太過癮,出事只不過係遲早問題,香港政府應該好快乜都買唔到。

天眼 零件用於鎮壓人民就出口唔到

依家歐盟係有一個軍民兩用(Dual-use)部件出口管制,總之有可能軍民兩用,不單要由EU公司出口(持EORI公司),而且要問相關政府攞出口Permit,之前歐洲出口唔到警車去香港,Volkswegan只可以出口喺歐洲只係用嚟運文件用嘅Caddy,亦都係呢個原因(我喺IAA睇過實車,Caddy只能押送文件)。你依家中國用 天眼 對付人民,梗係無可能俾你繼續用呢啲零部件,照依家歐盟嘅政策嚟睇,直接出口到中國任何軍用兩用零件,你都準備被人審犯咁審,特別依家歐盟去中國出口,一定經過幾個大國控制嘅港口,或機場,即係中國人偷到雞機會等於零,仲要東歐國家好多勁憎共產黨,你就更加無機會。

而香港都唔得,一方面,香港自己都係壓迫者政府,有德國禁止賣槍同賣警車俾香港警察先例,呢啲情況只會越嚟越多,你搵間有EU EORI公司都幫你唔到㗎喇,另一方面,你估歐盟唔知香港有幾多人做緊中國白手套,我相信呢啲禁令會涵蓋港澳,因為香港唔得就會換澳門,一旦有歐盟或同歐盟關稅同盟國家航班直航澳門,禁令就會隨即擴大,都係果句,咪當歐盟國家政府傻至得,歐盟各國政府對好多嘢都知嘅,包括你班仆街做中國白手套呢啲人渣行為。

香港呢鋪俾中國累死,日後香港要重建工業都有難度,除非歸英,因為中國濫用香港做白手套嘅行為,香港商界又為咗錢乜都做,依家咪做臭晒香港個朵,我相信日後香港人或澳門人,就算持有歐盟護照,要喺歐洲成立出入口公司都要平日做足文件功課至得,或者只係出口一啲民生物品,因為歐盟知道有幾多持有英國或葡國護照嘅華人,做緊一啲協助中共鎮壓,或違反民主價值嘅事,香港真係多得呢班投共分子唔少。

發表迴響

你的電子郵件位址並不會被公開。 必要欄位標記為 *