HSBC駛唔駛供股?

依家市場上好多人估緊,HSBC最後駛唔駛供股集資。

渣打當機立斷供股係好事,只要有人認頭肯跟,至少制止投機分子借沽空或者狂加Credit Default Swaps,玩到你HSBC求英國政府、香港政府甚至中國政府注資都唔係嘅局面。當然渣打比較細,而且唔似Citi或者HSBC咁成手都係Toxic Assets,新加坡政府豪得起做包銷商。

如果我係HSBC管理層,唔係放風話買Citi個別Operations增強投資者信心,Citi做過一模一樣嘅膠事,結果仍然要向美國政府求救。

依家HSBC早供股好過遲供股,首先,依家美國買Citi制止咗第二輪風暴喺感恩節爆發,市場趁有少少迴光返照時,係最好集資嘅時間。而且香港人普遍未對HSBC死心,大批HSBC信徒會肯陪你玩先。如果美國政府救Citi救出膠果陣,到時可能真係要搵白高敦或曾蔭權傾偈,呢個唔係辦法。

就算HSBC唔供股,至少都要制止有啲茂利賭Credit Default Swaps抽水嘅行為,例如點解決HSBC Finance嘅問題,或者點樣增強番恆生嘅資本水平等等。依家係一個抽水怪都可以玩死人嘅年代,HSBC如果早啲下決定供股,好似渣打同巴克萊咁,我反而覺得可以穩住,可以避免最後要膠到英、中、港三地政府唔知點處理嘅情況。拖得越耐,越累街坊。

發表迴響

你的電子郵件位址並不會被公開。 必要欄位標記為 *