香港民族黨-min

保安局局長想封 民族黨 Facebook Page 係做唔到

似乎喺張曉明督師下,保安局局長對 民族黨 係黐咗線,竟然想勒令Facebook停止 民族黨 Facebook Page運作,好彩我一早完成搬到EU以及公司化程序,否則香港政府要封我Facebook都頗易,我睇嚟香港Social Media大逃亡潮指日可待。

民族黨 Facebook Page 乜情況下封唔到?

基本上,如果你個Page唔係公司化咗(用Facebook Business 嚟管理,唔用正常 Facebook Desktop 版),咁Facebook係用你嘅IP同手機號碼決定司法管轄區誰屬,因此,我一早叫咗大家將Facebook戶口搬到歐洲亦係咁解,依家保安局局長可以隨時封你個Page或戶口都仲得,反而啲五毛仲健在,因為有人包庇兼且好多五毛其實一早知喺乜國家開Facebook戶口最無皇管,你唔見好多大馬假戶口,我相信納吉當政期間,都放咗唔少五毛入馬來西亞定居或工作,呢個問題似乎馬哈迪醫生要關注一吓,並早日清除呢啲對大馬國家安全有損嘅人。

咁 民族黨 嘅Facebook Page有乜情況係封唔到,你要符合兩個條件,是但漏一個,陳澍都有藉口亂嚟,大家都知陳澍係啲乜嘢人

1. 你嘅Page係用 Facebook Business 嚟管理,並且有登記 EU VAT ID,因為有 EU VAT ID等於有商業登記。
2. 你嘅戶口長期使用EU IP,並且首要Admin係用EU 電話加EU IP登記嘅人

呢個情況,你個戶口係由Facebook Ireland Limited看管,並且完全受歐盟法律保障,佢想封你戶口都有難度,因為保安局局長唔可以認為呢個 Page 法律喺香港運作,喺法律上,一個有EU VAT ID運作嘅Page,你同我講係香港運作,你傻咗呀,呢個係最能夠保證你 Facebook Page 言論自由嘅方法,就係直情變成一間EU公司,但唔好係英國公司,因為你未知No Deal BREXIT係乜世界,除非你係英籍人士。

當然成立公司有好多Paperwork,而且有稅務以至其他嘢implication,但你要保住你嘅言論自由,仲可以點。

發表迴響

你的電子郵件位址並不會被公開。 必要欄位標記為 *