辱華片-大便-瑞典-min-帝吧

帝吧因「 辱華片 」出征只會迫Facebook ban假戶口

帝吧,呢個世界最惡名昭彰嘅Social Media DDoS機構之一,喺瑞典公共電視台SVT拍「 辱華片 」,發動紅衛兵式反擊,話要去SVT,以及節目相關嘅Facebook Page洗板,呢個不單唔會令瑞典人低頭,相反,只會迫Facebook最終不得不清洗帝吧以及相關戶口。

因 辱華片 洗板係玩DDoS

以往都有高登或Facebook因群眾不滿,個別thread或post被洗板事件,但呢啲事件我唔會叫Social Media DDoS,因為呢啲唔涉及有人用假戶口,甚至電腦控制嘅戶口,但帝吧出征我睇唔係果回事,除咗有人策動網上文革外,應該仲涉及果啲一人控制n部機,n個戶口嘅血汗工廠式DDoS行為,主要目的係癱瘓個別專頁運作,因為咁多垃圾comment根本不忍卒讀,呢啲中國黑暗網絡操作行為,其實已經十分之多,而且中共係擺明用人海戰術嚟玩你,好簡單,中國人口多,而且Facebook唔俾API都唔緊要,一人控制n機嘅公司咁多,大家諗吓將會係點。

所以最終結果會引起西方社會警覺中國呢班五毛嘅搗亂行為,當中遺禍同俄國嘅fake user 加 fake news 不遑多讓,依家Facebook用華人世界問題未影響到英語世界為理由,側側膊唔多覺,仲想乘機進軍中國市場添,但依家你覺得Facebook應該點應付帝吧班友?帝吧個Group同Page斬咗佢係唔夠,仲要斬埋相關嘅戶口,至少相關戶口用果啲IP係必須分析,我相信好多會涉及大量Amazon Web Services嘅垃圾VPN機,以及類似IP Vanish 之類提供Spammer容身之所嘅Server,中國喺呢方面嘅網絡資源,一直都十分充足,我相信去到支爆尾段中國都仲有錢去燒養呢啲垃圾資源。

依家我留名睇陳澍呢啲人,點同西方社會解釋呢啲人肉DDoS行為,其實台灣人一早領教過呢啲垃圾嘢,當然,我都知呢啲仆街嘢,依家Facebook對中國fake user視而不見,遲早被西方國家政府煮鑊甘就係。

發表迴響

你的電子郵件位址並不會被公開。 必要欄位標記為 *