民族黨-Hong Kong Watch-min

民族黨 事件與踏上歸英之路

政府刊憲禁制 民族黨 ,或者有人以為中秋節,加上美國就加息,無傳媒或政府理香港,但實情唔係,美國駐港使館,以及Hong Kong Watch都發表措詞強硬聲明,其實Hong Kong Watch直頭用到 民族黨 事件係違反中英聯合聲明。

民族黨 事件觸發歸英

民族黨 事件成件事最大問題係,你依家刊憲用法律方式走中英聯合聲明數,製造大量難民,呢個本身唔係當年美英同意將香港交出嚟果陣預期,而且英國極重視國際條約嘅履行,否則唔會一次大戰最終開片收場,喺國際條約上態度軟弱嘅政府都會喺歷史留低極差聲譽,否則張伯倫唔會臭名遠播,儘管張伯倫其實都有積極備戰,張伯倫亦都唔係葉名琛果挺人。但依家咁搞法,英國好難和稀泥落去,縱使英國想和稀泥,中國都唔俾空間英國和稀泥,咁有乜好講啫,中國一開始唔守中英聯合聲明,英國必須喺出聲明以外有具體回應,而代表朝野各黨嘅Hong Kong Watch呢個聲明,亦明顯俾英國內部好大壓力,無辦法唔做嘢。當然,大批英籍難民有可能湧到世界各國,呢件事比起當年非洲印裔人士大批出走更令英國尷尬,當年非洲都話係當地人選擇獨立,純粹係種族糾紛,但香港係未經公投下離開英國,有乜責任,係必須全部英國嚟承受嘅。

要回應中英聯合聲明走數嘅第一步,應該係BNO平權,因為依家變咗需要平權,避免英國陷入尷尬境地,都係果句,如果啲人喺英國尋求政治庇護還好,如果入歐盟尋求政治庇護加上BREXIT就真係亂過屎坑,所以呢次中國應該有好多數找番俾英國。

當然,大家唔好大諗頭到立即會出兵香港,出兵香港係一條好長嘅路,而且後果十分之嚴重,畢竟聯合國安理會常任理事國之間,未曾真係兵戎相見過,古巴飛彈危機已經係最牙煙嘅一次,但捉慣棋嘅赫魯曉夫最終都係寧願將手上嘅牌pass,但中國人,恐怕無當年蘇聯佬嘅理性思維,都係果句,依家嘅中國,係1942年萬湖會議後納粹德國,以及中共大躍進期間果種非理性思維狀態,所以如果搞到最終要動兵戈,亦唔好感到太意外,只不過唔會短期內發生。

發表迴響

你的電子郵件位址並不會被公開。 必要欄位標記為 *