香港民族黨-min

刊憲禁制 民族黨 :大開難民之門

我唔知張曉明親自嚟主持高鐵開幕,係咪對 民族黨 事件施壓,但政府扭盡六壬,左拖右拖之後,9月24日,即係高鐵通車後兩日就刊憲禁制 民族黨 ,照政府印務處嘅安排,隨時係張曉明嚟香港迫宮下,中秋節都要刊登憲報號外,要禁制 民族黨 。但呢次決定,將會打開難民之門。

民族黨 禁制令變難民護身符

首先,呢份禁制 民族黨 嘅命令,發表時間對中國嚟講係一個好差嘅時間,因為下個禮拜保守黨大會,就一定要傾呢個問題,所以呢個決定,我唔知係乜天才決定,但有可能係張曉明要喺10月1日交數,所以做啲咁嘅事,只不過,呢個係白紙黑字證明中國違反《中英聯合聲明》,英國係好難乜都唔做嘅,所以呢件事,本身已經蠢到無倫,仲要喺保安局喺山竹問題搞到一鑊泡,依家嚟劑咁嘅嘢,乜嘢叫做專搞政治,唔搞民生,咪係張曉明、梁振英呢種仆街冚家鏟囉,咁急禁制 民族黨 趕住投胎咩。

另一方面,因為有呢份憲報上嘅命令,仲要中英並茂,基本上,曾經share過民族黨嘢嘅人,只要screeen capture佢share過啲嘢,已經可以申請政治庇護有餘,因為無人知道確切 民族黨 黨員係乜水,呢類地下組織,好多時黨員身份都係自稱自認,但係憲報果一紙命令,基本上係人人都可以攞到,而且根據香港法律,憲報登乜就係視為證據。所以我話呢個係大開難民之門,英國依家無端端由難民收容國,變成難民製造國,就係因為中國走咗1984年簽嘅《中英聯合聲明》果條數,真係咁多年以嚟啲難民問題,一鋪過還番晒喇。

所以內政大臣好奇怪咁,話no deal都要俾EU Citizen兩年時間行使自由行動權利,你問我原因係乜,我會叫啲BREXITER問李家超、張曉明、梁振英呢幾條仆街冚家鏟,依家我叫係大開地獄之門,一方面,香港政府將會趨向越嚟越仆街,係明知支爆都會更仆街,心態同萬湖會議果陣嘅希特拉一模一樣,心理變態嘅仆街都係無理性可言,另一方面,你幾百萬英籍難民,我唔知你各國會點處理,我只係知道,由敘利亞經驗嚟睇,要阻止難民唯一有效方法係打柒製造難民嘅元凶,將果個地方收番喺文明統治之下,所以歸英係唯一答案。

One thought on “刊憲禁制 民族黨 :大開難民之門

發表迴響

你的電子郵件位址並不會被公開。 必要欄位標記為 *