馮檢基-min

劉小麗係仆街, 馮檢基 同黃毓民更仆街

劉小麗係一件仆街,我相信我講咗n次,只不過同 馮檢基 同黃毓民兩條友相比,劉小麗真係小菜一碟,點解咁講, 馮檢基 竟然無啦啦上仇思達嘅節目,仇思達係一件走數嘅仆街,呢個唔駛講,但黃毓民同 馮檢基 蛇鼠一窩嘅作為,就更加之核突。

馮檢基 比民主黨更仆街

當年傾政改方案,何俊仁同劉慧卿走入中聯辦同李剛講數,呢個係一直以嚟焦土派同熱普城追殺民主黨嘅理由,如果民主黨當年支持政改方案都要被追斬九九八十一條街,咁 馮檢基 入臨立會係乜,佢仲要拉埋莫應帆(民協)一齊入臨時立法會,而且 馮檢基 人格有問題唔係第一鑊,否則唔會有亞視《龍門陣》經典一役,鄭經翰、黃毓民、陳耀南教授三個輪住打 馮檢基 做港事顧問,仲要一向最文質彬彬嘅陳耀南教授,直接指 馮檢基 人格有問題。依家你見, 馮檢基 為咗大攬炒,上仇思達個節目,當年教授嘅遠見極為正確,只不過依家係搞到連黃毓民自己政治人格都有問題,否則仇思達點會無端端請 馮檢基 上嚟至得,唔通條過氣政棍特別有寶,有時真係權力誘惑當前,好多人都會變咗毫無原則可言嘅神棍,只有永遠嘅利益,而無永遠嘅原則。

無錯,有時做人都要講戰略,但講戰略同隨風擺柳係兩回事,同曾俊華合作尚算有道理,因為曾俊華唔算大奸大惡,兩害取其輕,但依家有人同 馮檢基 合作,已經係搵件最邪惡嘅合作,我唔信 馮檢基 呢種人會支持本土主張或香港獨立,反而劉小麗投機果陣,都會講兩句自決,雖然都係不知所謂。呢次九西補選,肯定係香港史上最醜惡嘅補選,都係幾肯定嘅一件事,由 馮檢基 、劉小麗到陳凱欣,全部都係赤裸裸咁為權力而變得毫無原則,亦唔顧大局。選民好多連票都投唔落手,都幾肯定。

我寫呢篇文果陣,我連 馮檢基 都unfriend埋,有啲人,你真係面都唔駛俾佢,劉小麗一定唔可能係friend,但 馮檢基 更加唔可能性,為求上位,不擇手段到呢個唔要面嘅程度,當年陳耀南教授指住佢嚟鬧,真係十分之有道理。

後話:我依家至知道龍門陣監製,就係今日廣播處長梁家榮,真係有時候,不知人間何世,十年人事幾番新,廿年人事唔知乜。

發表迴響

你的電子郵件位址並不會被公開。 必要欄位標記為 *