高錕爵士-min

高錕爵士 與李國章

前校長 高錕爵士 終於離開人世,佢離世果陣,應該無剩低太多對世界嘅記憶,但世人就十分感激佢,無 高錕爵士 發明光纖,就無互聯網。只不過,對中大人嚟講,少咗一個寬容為懷,唔玩官僚嘅前校長。依家喺人世嘅中大校長同前校長,都係一堆惡棍嚟。

高錕爵士 與李國章:天同地比

當然,中大嘅問題,因中大果個十分之龐大嘅官僚集團有關,只不過, 高錕爵士 做校長嘅年代,以我嘅認知係,佢喺官僚集團設下嘅種種限制下,佢已經盡力企喺學生嘅一邊,所以呢位英國人兼美國人校長(佢應該係中大歷任校長中,唯一得諾貝爾獎兼獲英女王冊封爵士),得到後世眾人嘅尊敬,呢個係可以理解得到。

李國章我點形容佢,佢係一個惡棍, 高錕爵士 係謙謙君子,所以你學生能講道理,佢可以做都會做,甚至佢係暗自欣賞學生嘅所作所為,但李國章就絕對係惡棍,當年已經唔係玩政治就難同呢條友周旋,呢個係我同李國章屢次交鋒嘅經驗,爭取校巴要報警告校長超載,搵傳媒玩學校,呢個係無辦法,因為你知你對付係一個點嘅人。但李國章做校長嘅年代,佢都仲係英國人,講少少面子,去到做咗中國人問責官員果陣,就已經係百分百惡棍,完全唔係一個劍橋出身嘅英式學者。而劉遵義,呢條友直頭係人渣,沈祖堯好少少,但佢都係一個偽君子,段崇智呢條友,我估都唔慌有好嘢。搞學運搞到係變咗玩官僚程序訓練班,我估呢家嘢,係我當年都完全無諗過嘅事。所以好多人懷念 高錕爵士 係有佢道理,因為佢唔只學問係世界頂級,而且佢嘅為人係最重要。 高錕爵士 退休後做上市公司獨立非執董,只不過係做企喺中共對抗最前線嘅壹傳媒,呢樣嘢,你就知佢嘅立場係乜,你估劉遵義咩,條友退落嚟走去幫團結香港基金遺禍人間,呢啲就係當中嘅分別。

所以大家懷念 高錕爵士 ,因為之後中大校長都係一堆有學識,但大部分都無人格嘅學棍,係沈祖堯稍為好少少,跟住果啲都係仆街嚟,中大淪落到呢個程度果陣,當你經歷過同校方唔同嘅鬥爭果陣,你就明白, 高錕爵士 同彭定康勳爵一樣,都係代表一個最好嘅年代。

發表迴響

你的電子郵件位址並不會被公開。 必要欄位標記為 *