高鐵-追撞-min

高鐵 追撞咪話我唔提醒你

我成日覺得,夠薑搭 高鐵 果啲人係十分之夠種,特別我呢啲鐵膠,真係佩服啲人嘅膽量,而今日由廣州南行列車,一嚟就復興號列車(已經係比較新,但係中國山寨技術)隧道內停駛兼停電,你就自己諗清楚,好唔好攞自己條命靠飛。

高鐵 追撞問題未解決過

大家都記得,2011年甬台溫鐵路列車追撞事故,果鋪明明有列車同一方向慢駛當中都可以被後面架車追撞,中國 高鐵 嘅訊號系統有乜問題依然唔肯認(日本列車配合山寨ETCS嘅CTCS系統),依家香港 高鐵 嘅訊號系統提供公司仍然係和利時(Hollysys),當年嘅問題根本無檢討過,依家南向列車玩單咁嘅嘢有乜出奇先得。當年支持 高鐵 嘅人根本係不負責任,你依家咪明囉,呢樣嘢,我呢啲真鐵膠係一早知,唔係果啲見到有 高鐵 坐就好開心嘅硬膠。

2011年甬台溫鐵路列車追撞事故,結果係 高鐵 列車跌落大橋下,跟住死傷無數,大家可以諗吓,如果Hollysys嘅訊號系統喺隧道裡面炒粉,有架車喺隧道連前面有乜車都見唔到,係咁撞過去,仲要喺隧道以時速成百公里咁撞,你覺得單嘢仲有無得救,我堅係想知點救,隨時一地兩檢其中一個目的係掩蓋相關法律責任,條屍都要運番中國,隨時係死因庭都開唔到,你班友慢慢同公安搶屍,呢啲就係中國荒謬嘅現況嚟。所以,我一直都唔會敢坐中國 高鐵 ,係搞掂我簽證問題,保證我可以離開中國,有英國使館官員陪同都唔會坐,因為我對和利時個系統係投絕對不信任票,2011年單嘢到依家都未搞清楚,你依家仲敢喺隧道裡面搞高鐵,雖然香港果段隧道係高速列車專用,但以和利時嘅水平,以今次南行列車事件嚟睇,一旦喺隧道發生追撞事件,我係一啲都唔意外,所以我唔會攞呢啲嘢嚟賭,都係十分之清楚嘅一件事。

而且依家咁停法,隨時同山竹過後水浸,未搞掂訊號系統就強行通車有關,所以依家坐 高鐵 係危險行為,有追撞事件嘅話,咪話我無提醒過你。至於環球時報班仆街,不如咁,叫環球時報果位人渣老總日日坐高鐵,廿四小時喺高鐵辦公,我睇佢敢唔敢攞條命搏。

發表迴響

你的電子郵件位址並不會被公開。 必要欄位標記為 *