港澳台藝人-min

中共唔俾 港澳台藝人 主持電視節目所謂何事?

中國國家廣電總局突然打算唔俾 港澳台藝人 主持黃金時間電視節目,大家都覺奇怪,當然唔排除迫藝人申請港澳台居民證,因為可以抽多好多稅,但另一方面,我相信同中國準備鎖國有關,因為依家嘅做法同中共一向嘅統戰政策大有違背。

港澳台藝人 嘅存在唔符合鎖國需要

港澳台藝人 過往橫掃,一方面佢地喺中國仍然好有觀眾,中共利用佢地宣傳信息,既可以統戰,又令宣傳效果好咗,一舉兩得,所以中共無乜理由改行之有效嘅政策,但如果習近平諗住鎖國,就另作別論,因為習近平如果打算鎖國嘅話, 港澳台藝人 長期霸住黃金時間嘅節目,就會令鎖國失效,中共連娘炮都要打擊,其實就係回歸一向共產主義嘅極權美學,講求陽剛雄壯美,呢個係蘇聯、北韓、中共等共產主義式宣傳一向特色。而一旦鎖國,根本唔會再受商業方式運作嘅 港澳台藝人 ,取而代之,就係符合中共黨美學嘅藝人,請問依家香港呢班吃吃喝喝嘅戲子之中,又有幾多真係做到中共果套嘢,就係連汪明荃都做唔到,係已故嘅狄娜投共後做到,但狄娜係自己諗過度過至投共,所以佢後嚟變咗共產黨眼中被迫合作嘅麻煩友,呢個就係後話(佢老公就係中共首任公安部長羅瑞卿嘅仔羅宇,果個成日喺蘋果日報狂砌習近平嘅紅二代,呢個亦係狄娜地位特殊嘅原因)。

所以依家香港仲有好多人,對依家中共已經做緊鎖國有關嘅事一無所知,我唔知香港會唔會鎖埋,但香港都鎖埋都好難,同埋中共一向有鎖國必須留有通氣口嘅習慣,否則就難以輸出革命或獲取外界資源,呢個睇中共想點搞,只不過,依家中共唔俾 港澳台藝人 主持電視節目,係證明你點擦中共鞋你都唔會有中國市場,因為中國市場根本消失緊,依家香港娛樂界果然係蠢人當道,所以我話香港藝人裡面,可能認祖歸宗咗嘅黃秋生係最醒目,因為依家成個英國市場等緊佢,長做長有,而且佢應該可以拉到一啲講英文好嘅藝人過去嘅(好似麥明詩咁,留喺香港把鬼,去英國好過),但係果啲無乜學術,不學無術嘅友仔,好似王祖藍、陳小春呢啲,我食住花生留名睇佢地仆街就係。

發表迴響

你的電子郵件位址並不會被公開。 必要欄位標記為 *