民航處-雷達站-min

民航處 雷達站 穿窿又係市民篤爆:香港政府想點

山竹嘅破壞力,果然係超乎想像中,喺西貢污水處理廠被人用航拍發現受重創後,依家民航處 雷達站 又係受到重創,筆架山嘅天線出現唔少大窿,唔好話出現大窿無問題,你唔知裡面雷達裝置有無受到影響,或者喺保護少咗情況下會有乜問題。

雷達站 有問題又係航拍先知

呢次民航處 雷達站 受創,又唔係港府主動通報,呢啲涉及民航安全嘅嘢,應該由港府主動交代,畢竟涉及全世界好多國家嘅人嘅人命,但最後又係航拍至有人發現,政府以為香港啲傳媒同攝影發燒友,唔會用航拍機拍嘢,定係日後可以有藉口要求DJI(深圳大疆創意)disable晒啲航拍機,咁咪乜秘密都唔會有囉。首先,航拍機唔只一個牌子,而且禁止航拍喺香港於理無據,我只能講,依家香港政府嘅做事態度,其實已經同中共甚至蘇共差唔多,無嘢會主動向民眾公布,總之等到紙包唔住火,至會同公眾承認有地方出咗問題。

呢個正正係核電廠同高鐵安全問題上,唔能夠取信公眾嘅原因,當然,暫時核電廠未有洩漏,因為未有出現奇怪粒子或者突然升高嘅輻射水平,但無人知高鐵隧道、港珠澳大橋隧道同核電廠內部呢啲無法用航拍拍出真相嘅建築物,喺山竹下係唔係真係頂得住,所以呢件事根本係黐線,依家污水廠同雷達站都搞成咁,仲有幾多嘢係被山竹破壞到無眼睇程度呢?

我相信未來幾日,會不斷有由航拍得嚟嘅真相浮現喺大家眼前,山竹造成嘅實質破壞遠比想像中嚴重,政府無理由要等到喺立法會財委會申請預算撥款果陣,至走去向公眾交代依家發生咗乜事嘛。況且依家好多受重創嘅設施,其實係涉及到民生同安全,例如污水處理廠係涉及民生同公共衛生,而民航處 雷達站 涉及民航安全,但政府態度係遠唔及對一個殖民者嘅廢物西九站緊張,呢種官僚態度正正係中共以至蘇共令人痛恨嘅原因之一,為咗政治唔理人命安全,呢啲咪係梁振英一類以鬥爭為綱嘅仆街最鍾意嘅口味囉,毛澤東式害死人民嘅仆街口味嘛。面對呢種草菅人命嘅政府,香港人都係自求多福,有災難加緊防災好過等政府呢班仆街喇,你話係唔係?

2 thoughts on “民航處 雷達站 穿窿又係市民篤爆:香港政府想點

  1. 尋日見電視播宣傳航拍機法例嘅廣告
    好似話幾高同某啲地方唔飛得,係咪佢唔想人拍啲衰嘢

  2. 這個颱風都幾犀利, 昨日在中山及江門走了一轉, 很多樹木及”無忘初心”口號牌被吹倒, 鐡支也可屈平. (祗死! 看來党的力量不及山竹的力量), 平時內陸的風力是大大減弱, 很小這樣情況. 雷達內里的碟估應該無問題的, 1)全鐡結構, 2)而外層的作用是專登用來保護內面的, 比外面爛而不傷內部, 正如澳門方程式賽車, 一爛是全飛出去目的是把內部的能量彈開來保護中間的車手,3)就算個碟穿一兩個洞也不太大問題, 功率不會減太少的. 大碟是用來接收的, 不過當然要盡快維修.

發表迴響

你的電子郵件位址並不會被公開。 必要欄位標記為 *