港元-暴升-min

港元 暴升:支爆再勁啲

港元 呢種行貨幣局制度嘅貨幣,由於受近乎固定匯率影響,係好少大升大跌,但今日 港元 竟然可以暴升500點子,簡直係聞所未聞,唯一合理解釋係銀行用內幕消息炒 港元 ,即係加息在即,畢竟炒外匯無話唔用得內幕消息嘅(否則政府點干預市場)。

港元 暴升與支爆

外匯價格暴升,不外乎受加息,或一啲政治經濟因素影響,而 港元 突然暴升同加息有關嘅話,呢次大升似係凶兆多啲,因為呢個意味住香港用一個相當優厚加息幅度留住資金,對抗美金加息潮,咁就係利息升幅甚為可觀,股市同樓市,仲有啲投機性資產,大家齊齊搞唔掂果陣,你話仲唔係凶兆,分分鐘銀行炒起個匯水都係為咗保住自己,依家賺一筆,彌補未來可能損失,畢竟呢個係炒房嘅先天責任嚟嘅,咁就大事不妙,即係大家可以預期,支爆將會再勁啲,因為將會有更多人因頂唔住個息口而自爆,你估天下間得一個玩具鄭,屆時真係一街都係蟹,我睇呢個秋季,都應該無乜人再有心情去享用大閘蟹,因為一早人人變咗蟹,郁都郁唔到。

所以今日恆指個升市係十分之詭異同唔尋常,因為正路係唔應該咁升四百幾點,當然唔排除因為中國走資關係,所以出現不尋常升勢,畢竟啲錢都要有個渠道離開香港,好多中國啲錢係灰錢,呢個係一早公認嘅事實嚟。

正路嚟講,中秋果啲樓盤,都係咪掂,有乜優惠都係假,一到加息就乜嘢優惠都唔係優惠,跟住係小心你嘅 港元 資產,依家趁 港元 被炒高乘機買入外匯係一個明智做法,都係果句,搭吓順風車咁解。但之後大家可以預期好多企業唔掂,消費不景氣等消息跟住嚟,因為依家中國個經濟係一早爆咗,我講過,支爆係依家發生緊,唔係大家等緊石頭唔知邊度爆出支爆出嚟。所以加息只不過係一部分,美國加息,不單香港要跟住加,而且要力挽走資個勢,要加勁啲,跟住所有投機資產同地產市場就係咁先,當然地產市場係咁先,可能好多普羅市民好高興,畢竟依家好多有幾層樓嘅人,佢地嘅財富嘅來源都係十分之可議,如果有人要嗌救銀行,救負資產,呢次將會變不受歡迎人物,因為積怨留咗好耐無解決過。

發表迴響

你的電子郵件位址並不會被公開。 必要欄位標記為 *