brexit

BREXIT 永遠解決唔到嘅技術問題

BREXIT 依家搞到歐盟要求英國搞二次公投,俾英國一個下台階解決呢場鬧劇,我想用德文嚟形容係 Aktenzeichen BREXIT Ungelöst (Case Number BREXIT: Unsolved,有睇ZDF會知道我攞咗乜節目名嚟玩),但問題係,點解 BREXIT 變咗一個無法可解嘅問題,呢個同Irish Border問題有關。

BREXIT 問題嘅本質

班 BREXITER 成日都以為BREXIT係一個經濟問題,係一個移民問題,呢個認知係忽略咗點解1973年愛爾蘭經濟其實唔係咁強,但愛爾蘭同英國一齊加入歐共體,因為愛爾蘭同英國之間係唔可以有邊界,英國公民喺愛爾蘭不視為外國人,同樣,愛爾蘭公民喺英國都唔視為外國人,原因好簡單,因為英愛唔可以有border,英愛之間只要有任何稍為具體界線出現,成個英國就會炸彈滿天飛,沒完沒了,所以Custom Union英國大公司固然有利,但真正要入Custom Union嘅原因,係愛爾蘭,除非英國唔要北愛,否則一係出現陸地邊界,咁就一定惡鬥連場,沒完沒了,一係Irish Sea出現邊界,咁聯合王國會快速瓦解,呢件事無人會玩得起。所以用二次公投去否定公投結果,當過去兩年乜事都無發生過,係唯一解決方案,如果 BREXITER 堅想 BREXIT 發生,唔該佢地自己諗計解決北愛問題,否則唔會搞得掂,呢個就係赤裸不過政治現實,我一早講咗,北愛搞唔掂, BREXIT 唔會搞得掂,只不過係 BREXITER 同一啲扮英國通嘅仆街,從來都唔明愛爾蘭問題有幾難搞。

本來英國尊重議會無上論憲政原則,國會可以KO公投結果,依家 BREXITER攞咗歐陸常用,但英國最無經驗嘅公投嚟玩,結果玩出大禍,有啲人話,點解要公投投到留歐為止,因為依家 BREXIT 後果大到衰過自殺,咁咪要用公投嚟否定公投,唔係乜嘢都可以未經深思熟慮攞嚟公投,公投題目以至有乜法理後果係要小心處理,而依家英國人終於玩出事,我真係唔知點收科。

2 thoughts on “BREXIT 永遠解決唔到嘅技術問題

  1. 世澤兄:

    Border 呢樣嘢當然有問題 (我指 UK – Republic of Ireland hard border), 但係呢 ……
    呢樣嘢本來係無㗎, 家陣,
    咁唔去做佢出來, 又邊會有呢?
    BREXIT 都係咁話, 我睇唔到有任何站得住腳嘅理由, BREXIT 就要有 border, border 係制做問題.

發表迴響

你的電子郵件位址並不會被公開。 必要欄位標記為 *