西貢污水處理廠-山竹-min

西貢污水處理廠 出事都唔講:高鐵同港珠澳大橋出事有乜奇?

本來無人諗過 西貢污水處理廠 會受重創,搞到成個西貢海域都臭晒,只不過有市民航拍影到,俾埋蘋果日報,政府無得唔認至承認 西貢污水處理廠 係被山竹吹爆咗,依家無人知仲有幾多基建被 山竹 吹爆咗,包括高鐵同港珠澳大橋。

西貢污水處理廠 都可以吹到堤防失守

西貢污水處理廠 係英治年代興建,照計喺建築監管同要求上比較嚴謹嘅年化,都可以失守,仲有香港有大量嘅樹木倒塌,吹爆玻璃等問題,照咁邏輯推理,咁點解一向質量問題多多嘅高鐵同港珠澳大橋都可以無事,唔通有神跡,我唔信有神跡,我相信係好似依家 西貢污水處理廠 嘅情況,根本係有人隱暪件事,總之搏公眾睇唔到,但依家一個市民係咁派部航拍機都可以影到咁大單嘢,我唔信香港市民唔會唔攞部航拍機周圍巡,隨時賣相嘅獎金都足以買多幾架航拍機有餘,除非政府仆街到禁止航拍機,並且對呢啲對政府設施進行監察嘅航拍機予以擊落,但如果政府為咗臭屎密冚而擊落航拍機,一定成為國際大醜聞,屆時香港政府有排國際社會受。

其實對香港政府,以至中國政府嚟講,唔好話廢咗西九龍站同港珠澳大橋,我知面子上佢地擺唔到,但如果以天災,以及為安全為理由,推遲開幕三個月至半年,相信對大家面子無損,因為啲風堅係咁勁,好多泳灘更衣室都沖晒成堆沙入去,呢次推遲絕對喺面子上落到台,甚至可以一路拖到支爆深化,然後以維護國家外匯為理由無限期擱置,再等之後嘅人決定點處理果壇蘇州屎。依家明知唔安全監粗嚟,死咗人有第一滴血,就一啲都唔好玩,而且依家唔知風暴有無影響香港土地沉降嘅問題,真係隨時乜事都會發生,監粗嚟只係自己搵嘢難受,甚至自製災難。

當然,政府嘅態度係有問題,點解特首要陪一個深圳芝麻官巡視西九站,佢唔係應該先視察災情,特別香港各主幹道路,以及 西貢污水處理廠 ,以及至今仍然停水停電嘅地方,呢啲以往港督一定會交足功課,唔會走去陪FCO啲膠官。仲要依家你點話葉劉淑儀衝出嚟柒都好,佢係柒,但佢有行路落山(雖然馬已仙峽道落市區,碎料喇,住半山邊個無行路落山經驗架,香港啲道路網咁膠),林鄭月娥係連呢方面經驗都欠奉。

4 thoughts on “西貢污水處理廠 出事都唔講:高鐵同港珠澳大橋出事有乜奇?

  1. Today, I went to the beach front with my children.
    I found a sea shell and gave it to my 4 year old daughter and said “You can hear the ocean if you put this to your ear.” She put the shell to her
    ear and screamed. There was a hermit crab inside and it pinched her ear.
    She never wants to go back! LoL I know this is totally off topic but
    I had to tell someone! https://918.network/casino-games/72-918kiss-scr888

發表迴響

你的電子郵件位址並不會被公開。 必要欄位標記為 *