達賴喇嘛的大戰略

流亡印度的西藏人,開了整整一週的大會,決定維持達賴喇嘛的中間路線。表面上,好像與之前沒分別。

但仔細看一看達賴的聲明,達賴喇嘛可能是中國幾個還有大戰略思維的人之一,他的大戰略思想不到你不服。

達賴喇嘛在會後講了幾件事(根據挪威西藏之聲),查實可以反映他的大戰略算盤:
1. 但是通过对话要求西藏独立是不切实际,只能是以失败收局,如果放弃寻求西藏独立,只要求西藏三区统一,在中国宪法框架内实现西藏真正自治,才能有所希望。
2. 解决西藏问题只能透过[对话],但[对话]不只是同中国政府官员,而且也要同中国人民进行。目前境内外藏人所要做的就是和中国人民进行对话,说明藏人的基本意愿,宣传西藏的真实现状,赢得广大华人的支持和信赖,才能有助于西藏问题的尽早解决。
3. 很多中国民运人士正在为中国转变成民主大国不断进行努力,因此,当务之急,中国民运人士和藏人都应该携手并肩,共同为中国实现[民主]付出努力。

加上之前不會再主動派代表與中國對話的決議,事實上,達賴喇嘛的真正想法:

1. 中國快要有巨變,在這個時間爭取西藏在中國的地位以及主導權,遠比獨立有利。
2. 縮窄打擊面,把所有茅頭都算到胡錦濤頭上,不中老共的計。
3. 由於中共就快膠到無朋友,因此,是中共主動找西藏去對話,不要西藏膠到去苦苦哀求。

因此,達賴同時有另一個打算,他要求流亡社區要做到西藏文化的教育,很清楚一點,那就是他不認為可以一時三刻達致他的戰略目標。但他這番聲明,倘若中共倒台的話,日後中國重組的談判,達賴可以擁有一個有利的地位,令西藏在中國影響大大增強,這比西藏在其他國家羽翼下獨立更有利。

這是李登輝級的戰略思維,因此,可以肯定,以胡錦濤為首的硬膠,不會是西藏的對手。

5 thoughts on “達賴喇嘛的大戰略

  1. 如果正如達賴所料,亞胡生膠左。不但可以挽救西藏,以及中國。而且也證明佛教的蟬修可以得到智慧,又可以推銷佛教,一舉多得也。

    班街坊成日抹黑臺獨勢力,李登輝用依種方法,好有效敢削弱中共的淫威,連多謝都無句,真係唔識貨。不過陳水扁真係幾爛,點都好過連戰上位。

  2. 其實連戰呢個人,在我睇不外係個旨在爭名位嘅廢柴少爺,至於點樣做去達成目標反而唔會點諗,亦冇腦去諗。睇佢近年搞乜就知:冇得做總統,條友就唯有亂石投林搞第啲嘢,搶住去勾搭中國,搏做 “peacemaker”,爭取歷史地位。

    回頭睇,或者由呢條廢柴做總統好過 – 呢種人,只要有利祿羈縻,佢就會聽晒你話。佢當年第一次選得贏嘅話,可能李登輝依然可以做太上皇幕後操盤,唔會搞成今日咁…民進黨時機未到就意外上台,反而將國親成棚既得利益者趕返埋一堆,用盡 1000% 力量大反撲,宜家真係悔之已晚。

  3. Perennial Loser我唔係好明白臺灣歷史。
    點解李登輝俾到什麼利益連戰?可唔可以詳述。

  4. 李登輝做總統咁耐,以黨政實力籠絡商界,自己都培植到一啲勢力 (所謂「本土派」,後來大部分留黨,少部分化身台聯);連戰後來繼承嘅實力,最主要就係呢班,同埋舊有嘅國民黨死忠派(邊個係阿頭就跟邊個)。但後者唔係「鐵膽」 – 只要確認/認為邊個係更好嘅老大,呢班人就會自動轉邊 (eg. 早年轉跟宋楚瑜嗰班、近年棄連投馬嗰啲),所以連戰個硬底,其實都係本土派。

    連戰本人欠缺魅力,能力亦冇乜 (佢做官多年,根本就毫無建樹),但就係台灣本土人,而且家世顯赫,係本土派嘅一級要人;跟過李登輝嘅「大將」之中,由林洋港到宋楚瑜、章孝嚴都先後反檯,效忠李登輝到最後嘅都要數到佢。綜合以上各點,連戰好明顯係個華國鋒式嘅接班人,2000 選輸畀陳水扁主要係因為佢自己魅力唔夠,又畀宋楚瑜食咗三成票。換句話講,唔係宋楚瑜出走,連戰絕對可以順利做總統;以佢嘅懶蟲個性同廢柴料子,佢呢個總統其實都係會繼承李登輝嘅勢力,蕭規曹隨,但又唔使做啲乜,都唔知幾盞。

    反之以佢連某人一己之力,話就話唔使受人操控,黨內勢力 2000 – 2005 盡收己有,但到頭來總統選成點?又係選輸。千萬苦先磨到宋楚瑜床頭金盡 (成立親民黨用咗起碼上百億港紙,啲錢係省長任內掘嘅),已經傷痕累累,本來都唔係點好嘅形象更覺老舊,而自己本土派陣營又有部分跟咗李登輝出走,結果兩頭唔到岸,又係要全黨奉送馬英九,自己只落得個「名譽黨主席」,只可以勾搭大陸扮 “peacemaker”。打下算盤,與其都係冇得話事做傀儡,點都係做總統比做「名譽黨主席」過癮;更何況日子耐咗,坐穩個總統位,佢亦可以玩起飛腳踢走李登輝。所以點計都好,佢最初跟實李登輝唔係冇道理嘅 – 只係出咗宋楚瑜呢個 aberration,成盤數就完全唔同晒。

    事過境遷,連戰同李登輝勢成水火;但與其話佢係嬲李登輝「疑似暗助」陳水扁,不如話係嬲佢搞唔掂宋楚瑜,打爛晒成個算盤好過。李登輝畀到佢嘅嘢,其實都算係畀晒佢咁滯,亦冇幾多嘢剩低未過佢手,只不過佢連大少爺冇本事,唔夠人打又要起人飛腳,到頭來一樣係鏡花水月,為人作嫁,得著更少 (家族財富有冇因勾搭大陸而上升係另一回事)。所以呢,與其話係李登輝可以畀更多利益佢,不如話係佢連大少爺冇用,唔靠人就仲衰…

發表迴響

你的電子郵件位址並不會被公開。 必要欄位標記為 *