香港01-抄抄子-min

香港01 呢班抄抄子正仆街

一直以嚟,我對啲網媒態度都好差,除咗因為佢地有唔少政治立場係仆街外,佢地果啲抄抄子行為亦都係十分仆街,呢次我唔係受害者,但呢個解釋點解我對 香港01 以至好多網媒嘅版權政策都係極強硬,齋靠廣告食飯,真係被抄抄子餓死都未天光。

香港01 抄嘢唔駛負責

喺 ITV Strangers 播出之初,提嘅得兩個人,一個係膠事錄膠總,一個係我。而 Strangers 引起英國人旅遊興趣後,第一個報嘅中文傳媒係膠事錄,果陣係香港時間9月17日,我都係睇膠事錄做跟進評論,果陣係香港時間9月18日早上,但係 香港01 嘅跟進時間係2018年9月18日晚上七點幾,我諗呢次我唔叫捉你班友抄嘢都唔得,仲要係連原本英國傳媒都無引, 香港01 嘅惡劣抄技,唔係天下第一,都天下第二。

我對立場新聞嘅厭惡,最早就係唔俾稿費嘅作風,同埋抄嘢唔俾credit,我對盧思達反感,其中一個原因都係唔尊重人地嘅研究。 香港01 抄少陣駛死㗎,抄完俾番credit係基本禮貌,俾番條link大家都好,其實呢個係互相促進相互之間SEO行為,所以Google本身係鼓勵健康嘅相互連結,如果唔係惡意,互相俾link係無衰,但依家 香港01 嘅做法完全唔係咁,攞咗人地成果就揚長而去當係自己。

點解歐盟條新版權法咁辣,Google果啲link要收錢,因為依家好多時Google、Facebook攞走咗大部分廣告,但內容創造者所得甚少,並唔係個個都想行訂戶模式,而德國登記做文化人係有自已嘅醫療保險同社會保障系統,所以德國對版權睇得嚴,唔係要保護好似IFPI、CASH一類仆街(呢類組織喺德國好容易中反壟斷法),而係要防止果啲不勞而獲嘅抄抄子,你 香港01 除咗維穩同抄嘢,仲識啲乜,所以我從來都唔引 香港01 啲嘢,亦都係呢個原因。

其實我講過,除咗立心不良果啲,你俾番credit同link我已經okay,當然按篇俾番一百蚊版權費都得,但以前 香港01 係一舊水版權都唔肯俾,所以呢次被我捉到狂抄,係一定唔會放過。

發表迴響

你的電子郵件位址並不會被公開。 必要欄位標記為 *