山竹-解放軍-min

解放軍 海軍作戰力同大清帝國一樣

解放軍 駐港海軍一艘軍艦,喺山竹侵襲期間擱淺,呢件事固然好膠,民用艦隻嘅情況都無軍用艦隻咁差,但由蘋果日報顯示嘅照片睇, 解放軍 海軍嘅戰力,其實同大清帝國一啲分別都無,如果中國以為自己有條件做納粹中國,真係荒天下之大謬。

解放軍 同大清海軍有乜分別

大清海軍被詬病得最勁係無紀律,而點樣睇到海軍有無紀律,維修保養,就睇得果隊兵紀律係點,有定期維修嘅部隊,武器老爺都仍有戰力,如果定期維修亂嚟,你認為呢隊海軍嘅戰力係存在。而依家 解放軍 被山竹KO咗嘅戰艦講咗一樣嘢,中國戰艦根本好多係維修差勁,船殻未必有足夠強度抵禦來犯,而大量機器、槍械保養都亂咁嚟嘅軍隊,你覺得係有戰力,我已經唔計中國製造產品偽冒產品一大堆呢個問題。

其實中國解放軍軍紀庶近無戰鬥力,你睇解放軍駐港部隊總部,即係威爾斯親王軍營大廈就明,係外面都已經喵到果種殘破,英軍將一幢北約水平嘅軍營大廈交俾中國,中國嘅維修保養根本維持唔到英國管治水平嘅水準,只不過呢啲嘢,只能目視,無相為證,依家山竹令 解放軍 海軍戰力一嘢曝光,遼寧號嘅保養水平本身係好有疑問,但航空母艦實際反映係系統戰力,整個軍隊嘅統率水平最為重要,否則北約嘅管理標準,唔會係代表世界軍隊最高嘅管理標準,一隊管理九流嘅軍隊,想一旦中國政治出事果陣借外出侵略轉移視線?我恐怕結果係嚟個大戰敗,然後成個政權倒台。透過戰爭勝利嚟維持嘅政權都好脆弱,你睇德皇威廉二世點樣最後搞到要流亡荷蘭收場,你就明乜嘢事。

中國好多仆街嘢走去學納粹黨,焚書、諾貝爾和平獎得主,一個流亡,一個死於獄中、搞集中營,好多中國人好熱衷研究納粹軍服(果啲書喺德國根本係違憲刊物,帶入德國果條友後果自負),但係連基本紀律同管理都無,呢啲大頭症只會係一個笑話,一如高鐵同港珠澳大橋都係笑話,如果兩樣嘢係無事嘅,點解唔帶公眾去見識吓中國工程技術係何等厲害,連山竹咁勁都捱得過至得。 解放軍 同大清海軍無異,我睇唔到呢班友究竟有乜嘢前途就係。

發表迴響

你的電子郵件位址並不會被公開。 必要欄位標記為 *