游蕙禎

游蕙禎 喺紐約時報篇文嘅意義

兩日前 游蕙禎 喺紐約時報Op-Ed發表文章,指保護香港民主唯有港中分家,或者一般人認知嘅 港獨 ,呢篇文章討論唔好,當然,因為香港本地傳媒仍然偏袒不學無術嘅左膠。但呢篇文章係有意思,因為美國左翼立場向獨派轉,你班左膠慢慢吮手指。

游蕙禎 篇文反映立場轉向

紐約時報喺美國嚟講,佢係代表美國左翼嘅主流意見,好大程度係代表美國東北部同加州都會區民眾嘅意見,即係最鍾意特朗普果班友。支持特朗普果啲,其實佢地立場好清楚,就係任何玩殘中國政策都支持,所以如果要爭取美國支持,紐約時報班讀者係最重要,而 游蕙禎 呢篇主張港中分家嘅文章出到,即係美國左翼立場有重大轉向,如果大中華膠同左膠突然發現無晒美國支持,或美國支持去咗親英派或獨派果邊,一啲都唔好意外,其實好早黃之鋒、羅冠聰呢啲傲慢嘅蠢材,已經自己斷晒美國條線,又交唔到功課,又要偏幫中國,唔知西方大勢,點解美國仲要支持你班友。我估,依家呢班友剩番少量英國支持,但BREXITER都要睇美國面色,好快英國對港政策都可能跟住大變,畢竟將香港交俾中國,都係當年冷戰美國為咗聯中抗蘇嘅政策一部分嚟。依家已經有戰略上大變,英國要改變對香港政策其實都好明顯,羅冠聰可以出席保守黨大會唔算得乜,我一定喺保守黨大會期間批評佢。(我係保守黨員,佢唔係)。

當然, 游蕙禎 喺紐約時報,只能講港中分家,歸英係唔講得,美國喺反對殖民主義嘅基本立場無變,美國係好怕要佢管殖民地,除非有重大戰略需要,喺軍方要求下至可以支持盟國嘅殖民統治,例如英屬印度洋轄地,你要美國公眾支持盟國重新攞番殖民地係好難,甚至喺美國民意下,一旦香港要歸英,都可能係直入本土,或變成自治領,BOT只會係過渡選項。

游蕙禎 文章出現,同美國開始都高調透過使館再做心戰係同步,如果英國仲係嘆慢板,以特朗普急躁態度,以及佢同保守黨之間分歧,隨時美國佬自己出手,所以依家英國人時間無多,無論德國同美國,都喺香港爭奪戰做好多功課,唔係只得ITV一套劇可以做晒所有嘢,雖然英國以簽發護照嘅權力,至今仍然係主場。

2 thoughts on “游蕙禎 喺紐約時報篇文嘅意義

  1. 世澤兄:

    “羅冠聰可以出席保守黨大會唔算得乜, 我一定喺保守黨大會期間批評佢 …. ”

    請小心言行, 尤其黨大會期間.
    大中華膠思想要批評, 因其歪理連篇, 但如果佢發言批評中共港共於香港種種惡行, 而又並非基於大中華膠思想, 咁我覺得, 中共港共於香港種種惡行, 亦有大把值得你到時講.

    “如果英國仲係嘆慢板, …. ”
    係慢到幾乎 hang. 而一眾港人, 首先, 都係人, 人始終都會等到死架, 事實上亦死咗唔少啦.
    我知你有出力, 但你自問有無, 喺你嘅位置, 出盡全力?
    黨大會期間, 我認為, 呢樣亦大把值得你到時講.

    1. 你覺得佢傲慢態度尚知大體

      英國有政客試吓咁批評一個喺報紙寫嘢嘅人

發表迴響

你的電子郵件位址並不會被公開。 必要欄位標記為 *