貿易戰-min

貿易戰 關稅話嚟就嚟

貿易戰 嘅關稅,果然話嚟就嚟,啱啱美國宣布咗將對中國貿易戰升級,再向二千億貨品徵收10%關稅,喺9月24日開始生效,換言之,喺海上大部分感恩節同聖誕節檔期嘅消費品都將會受到影響,美國人要俾多少少買中國貨。

貿易戰 應該會打落去

貿易戰 關稅話嚟就嚟,一方面反映Trump果種作風,另一方面,依家咁多個美國貿易對手裡面,唯一唔肯同美國傾只剩番中國,而中國應付支爆問題嘅時間越嚟越少,越早加徵關稅,越早令美國公司唔敢向中國廠落單,中國支爆得越快,所以二話不說先加10%,但我相信,如果中國維持唔肯同美國協商嘅態度,應該仲會加更多關稅,直至中國產品喺美國無晒競爭力為止,係連唐人街入口嘅豉油、唐餐食材都要向番美國本土買,向歐洲買,向泰國買,向台灣買,都唔可以向中國買嘅程度。

當然,我睇唔到中國會願意肯同Trump傾,對日本又好、對歐盟又好,其實佢地好清楚Trump要乜,而佢地亦有明顯嘅嘢問Trump要,所以美日歐之間嘅貿易只會更自由,更緊密,因為只要向Trump若干美國要嘅市場,美國會以開放部分日、歐想開放嘅市場作交換,呢個交易十分之實惠,但中國根本係唔想開放市場,特別係互聯網市場,以及金融市場,呢個係要咗中國共產黨嘅命根,中國只係想繼續用呃呃騙騙嘅手段賺歐美嘅錢,再用歐美嘅錢嚟壯大自己,消滅西方民主,一圓中華帝國夢,一個連意識形態理想都無嘅惡棍無限帝國,你估Trump傻的嗎?所以 貿易戰 係無可能停,除非中國願意投降。

其實依家呢場 貿易戰 ,已經係一場無煙無火嘅世界大戰,無錯,係無涉及任何殺人武器,但經濟上嘅爭戰一樣可以打到七彩,依家中國最大問題係得罪民主世界一眾方丈,同民主世界揪係無好結果,所以支爆只會隨 貿易戰 加快同加深,直至中國肯投降,成為一個開放市場嘅國家為止,以中國人冥頑不靈嘅態度,走資係最好嘅方法,當然,如果你想Trump贏快啲,抵制中國貨,繼續支持西方國家嘅貨品,都係十分之有必要嘅做法嚟,呢啲嘢,人人有責。

2 thoughts on “貿易戰 關稅話嚟就嚟

  1. 由原本要加25%改為10%,我都同意Trump的做法, 一來可以Please那些同中國貿易的美國商人有助中期選舉, 二來是 The art of deal, 不好一次過加到25%而令到自己再無牌可打, 而是一路一路加上去令到對方感受到壓力. 分兩去加, 可比人見到: 不是我不想達成共識而是他們冥頑不靈, 這樣我對國民說下次再加25%你們無人反對啦. 可以懲罰他啦. Trump是好懂得用權術的人.

發表迴響

你的電子郵件位址並不會被公開。 必要欄位標記為 *