九巴-DB error-min

九巴 網站database被隊冧搞邊科

喺9月18日香港時間早上六點,相信香港熱愛返工嘅人,都想知 九巴 有無服務,雖然運輸署話二百幾條線恢復服務,但正常人都會想睇 九巴 網站,但結果係 九巴 網站database被人隊冧咗,亦都無人修理,市民真係要知有乜巴士都唔容易。到六點半, 九巴 網站有服務,只不過周不時有DB Connection Failed現象。

九巴 網站database點解被人隊冧

以我嘅理解,www.kmb.hk解番出嚟嘅IP,係Microsoft擁有,所以我相信成個 九巴 網站係擺喺微軟嘅雲端服務,以loading論,微軟嘅雲端服務,應該可以抵擋DDoS,但唔係Microsoft SQL Server,如果 九巴 用Microsoft Azure雲嘅SQL Server,照計唔會呢類關鍵時候,連SQL Server都被人隊冧埋,呢啲同風暴無關。所以一係有hacker搞DDoS,或者根本 Microsoft SQL Server 九巴用嘅設定,根本應付唔到嚟完一劑又一劑嘅F5,人人都F5,個Server削少少就會被隊爆,畢竟 九巴 網站平日唔係用嚟處理咁多熱愛返工嘅人。

但仲有一個可能,係 九巴 網站嘅SQL Server喺部署喺新加坡嘅微軟數據中心,而9月18日凌晨,新加坡出現神秘嘅大規模停電事件,幾十萬用戶突然無電,雖然數據中心理論上有後備發電機,一旦停電隨即接手運作,只不過,9月18日我發現 九巴 網站無嘢睇嘅時間,新加坡嘅電力供應已經恢復,所以呢個可能性,我個人已經排除。

公共交通機構如果要搞智能交通,我相信各大交通機構嘅Website,第一件事要做係做Stress Test,除咗要應付山竹來犯呢種非常情況嘅數據需求外,仲要小心啲黑客,有啲巴敗可能會襲擊網站,有時我對巴敗嘅思維方法無法理解。所以,Stress Test係一定要做。仲有係,係要做好Firewall嘅工作,特別要擋住果啲狗屎垃圾嘅bot,依家有啲bot,已經去到公害嘅程度,真係要見一個斬一個。(中國啲App好鍾意濫用資源亂scrape data,真係想斬佢祖宗十八代)。

發表迴響

你的電子郵件位址並不會被公開。 必要欄位標記為 *